Tung pái khế apoăng hơnăm, lâp tung kong pơlê tê ăm kong têa ê châ 306 rơtuh dollars, tâk 16% tâng pơchông ƀă hơnăm nah. Tung mê, kơphế xuân cho ki má môi 92 rơpâu tâ̆n, châ 266 rơtuh dollars. Pơchông ƀă pái khế apoăng hơnăm nah, Gia Lai tê kơphế ăm kong têa ê kơdroh 15% ‘na kơxô̆ ki hên ôh gá, la tâk 17,1% ki pơxúa, veăng ‘no hnoăng ăm vâ chê 87% tung tâi tâng ki pơxúa tê tơmeăm ăm kong têa ê dêi kong pơlê.  

Mâu tơmeăm ki ê veăng tê ăm kong têa ê ki hên cho chhá kơxu ƀă loăng. Nôkố, kong pơlê pơtối tơbleăng mâu troăng rơhlâ vâ mơdêk tá pêi pro ƀă tê ăm kong têa ê môi tiah hnê tối mơdêk hlê plĕng dêi khu mơdró ‘na tê ăm kong ê; tơkŭm pêi tơniăn ai hên tơmeăm; tăng khu ‘no liăn  mơjiâng pro hngêi trăng tê mơdró ƀă mơdró logistic.