VOV4.Xơ Đăng - Hâi lơ 18/3, a Hà Nội po hneăng Hôp mơ’no tiô troăng hyôh Internet tơpui ‘na troăng rơhlâ mơdêk păn chu ƀă mơdêk rak ngăn tơdroăng pêi  pro tê mơdró mơdrăn che\m mơnăn păn. Nôkố, tơdroăng pêi pro mơdrăn che\m mơnăn tung tơnêi têa ki hên ngăn a tơmeăm ki rôe ing kong têa ê, xua mê, tơdjâk tơdrêng ing yă tơmeăm vâ pro mơdrăn che\m mơnăn tung lâp plâi tơnêi, tung pơla mê, ivá pêi pro tơmeăm vâ pro mơdrăn tung tơnêi têa oh tá hên.

Tơpui tơno ‘na mơnhông mơdêk păn chu krá tơniăn ton

Mâu kăn tối, kal thế séa ngăn pơkâ khu chu, tối nhên ki tơ-ƀrê dêi khu chu kăn vâ tơkŭm hnê mơhno pêi pro tơtro tiô tơdroăng mơdêk păn mơnăn ƀă pơkâ cheăng kâ-rêh ối dêi tơ-rêm kong pơlê, tơring. Tiô pôa Phùng Đức Tiến, Ngế xiâm phŏ ngăn ‘na chiâk deăng ƀă mơnhông thôn pơlê, troăng rơhlâ la ngiâ cho xúa tơmeăm dêi mâu kong pơlê tơring; pơ’lêh mâu ƀăng deăng pêt loăng plâi ki oh tá rơhéa pêt tơmeăm ki vâ che\m mơnăn.

Gương tơplôu [ă tơbleăng