VOV4.Xơ Đăng - Vâ mơnhông ‘na túa pơkâ cheăng, troăng hơlâ ki kum ăm khu mơdró kâ tơkâ luâ xahpá, thăm mơdêk tơdroăng pêi cheăng kâ tê mơdró, mơnhông pêi cheăng kâ-rêh ối pơlê pơla tung rơxông nếo, kơxê lơ 25/3, Khu hnê mơhno hriăn ple\ng ‘na cheăng kâ krê, ối cheăng tung Chin phuh hiăng tơru\m cheăng [ă Khu pêt [ă mơjiâng  kế tơmeăm ing loăng dêi Việt Nam [ă mâu Khu ngăn ‘na uâ loăng dêi mâu kong pơlê, pơlê kong kân hiăng po roh hôp vâ veăng tơpui tối ăm tơdroăng tối tơbleăng ‘’Kơvâ loăng Việt Nam: {ă mâu troăng hơlâ rak vế tơniăn khu loăng tá troh a hơnăm 2030’’.

Tung 10 hơnăm hdrối mê hiá nah, kơvâ pêt [ă mơjiâng tơmeăm ing loăng hiăng pêi mơjiâng  tơniăn ‘na tơdroăng pêt [ă uâ loăng mơjiâng kế tơmeăm vâ xúa. Hơnăm 2021, maluâ ai tơdjâk xua pơreăng COVID-19, kơvâ uâ loăng mơjiâng tơmeăm khoăng ing loăng tung lâp tơnêi têa hiăng mơ’no tê loăng tro ngi kong têa ê ai 15 rơtal 800 rơtuh dollars, tâk 20% tâng vâ pơchông ngăn [ă hơnăm nah.

Maluâ ti mê, vâ khoh châ tê mơ’no mâu tơmeăm bro ing loăng troh kong têa ê châ 25 rơtal dollars a hơnăm 2030, kal ai troăng hơlâ, túa pơkâ cheăng vâ to\ng kum ăm kơvâ ngăn ‘na pêt [ă mơjiâng tơmeăm ing loăng châ mơnhông tơtêk hên tâ nếo tung rơxông nếo  nôkố. A chôu phut hôp mê, mâu kăn hiăng pâ thế tơnêi têa kal athế veăng kum ‘na kơxo# liăn vâ khu mơdró kâ mơ’no liăn rôe mâu kơmăi kơmok ki uâ loăng, hnê mơjiâng mơngế pêi cheăng rơkê [ă thăm mơdêk pêt loăng mơjiâng kong tung tơnêi têa.

Nhat Lisa tơplôu [ă tơbleăng