VOV4.Xơ Đăng - Kơxo lơ 11/3 a Tíu xiâm ngăn ‘na mơhno túa le\m tro ƀă Hneăng hôp kong pơlê Sóc Trăng, Khu xiâm ngăn ‘na chiâk deăng ƀă mơnhông thôn pơlê tơrŭm ƀă Vi ƀan kong pơlê Sóc Trăng tơkŭm po hneăng hôp mơ’no tơdrêng ƀă hôp ‘no troăng hyôh Internet ‘na mơnhông mơdêk kơvâ păn xi xŏng hơnăm 2022 ƀă kĭ Luât pơkâ tơrŭm rak ngăn hdrê xi xŏng a têa li liô hơnăm 2022.

Tiô Khu xiâm ngăn păn ká xi xŏng, hơnăm 2021, kơvâ păn xi xŏng păn châ tơ-ƀrê. Mê mâu túa xi xŏng ki păn châ 970 rơpâu tâ̆n, tâk 4,3% tâng vâ pơchông ƀă hơnăm 2020, tung mê xi xŏng păn a têa li liô châ 930 rơpâu tâ̆n. Tiô pơkâ păn xi xŏng hơnăm 2022, long păn xi xŏng châ 750 rơpâu ha; châ xo xi xŏng tŭm hdrê  980 rơpâu tâ̆n. Tê ăm kong têa ê châ xo lối 4 rơtal dollars.

Vâ ai tiah mê, mâu kăn tơpui tối troăng rơhlâ, tơdroăng pêi pro mê kô tơkŭm tơrŭm pơla mâu tíu păn xi xŏng; mơjiâng tơdroăng chêh hdrối vâ păn xi xŏng a têa li liô  tung pơla dế ai pơreăng COVID -19, tơniăn ôh tá kơdrâ tung pơla dế ai pơreăng.

Gương tơplôu [ă tơbleăng