VOV4.Xơ Đăng - Kơxo lơ 1/4, tơdroăng ing Kơ koan xiâm păn mơnăn mơnôa ƀă pơlât mơnăn kong pơlê Kon Tum tối ăm ‘nâi, pơreăng kơ-ôk í peâp H5N1 châ hlo a rơpŏng păn mơnăn mơnôa Phạm Thị Thủy, tôh 1, bêng Ngô Mây, pơlê kong kơdrâm Kon Tum. Klêi kơ’nâi khăm ngăn mơnhên ing kơ koan xiâm pơlât mơnăn kơpong V, kơxê măng hâi lơ 31/3, Kơ koan xiâm pơkuâ păn mơnăn mơnôa ƀă pơlât mơnăn kong pơlê Kon Tum, Tíu xiâm tê mơdró pêi chiâk deăng pơlê kong kơdrâm Kon Tum ƀă Vi ƀan bêng Ngô Mây hiăng tơkŭm séa ngăn ƀă tŏng kum rơpŏng jâ Thủy pêi pro tơdroăng prâu tah í peâp ƀă kơxô̆ 1.700 to í, peâp. Tâi tâng tro lu\p lối 100 rơtuh liăn.

Gô̆m khu peâp djâ prâu tah

Kố cho pơreăng kơ-ôk í peâp H5N1 apoăng châ Kơ koan xiâm pơkuâ tơdroăng  păn mơnăn mơnôa ƀă pơlât mơnăn kong pơlê Kon Tum châ hlo sap apoăng hơnăm 2021 troh nôkố.

A Sa Ly tơplôu [ă tơbleăng