Kon Tum hrik têa plâ hâi plâ măng vâ tôh ăm klâng báu a kơpong hngêi kơmăi on tơhrik Yaly
Thứ tư, 06:00, 10/04/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Tơdroăng kong tôu khăng khuô̆t a kong pơlê Kon Tum xuân dế ôh tá tơniăn. Nôkố, mâu Tíu hrik têa a pơlê kong kơdrâm Kon Tum dế hrik tâi ivá hrik plâ hâi plâ măng vâ tôh ăm lối 400 ha klâng báu kơpong tíu hngêi kơmăi on tơhrik Yaly.
Vâ bê tŭm têa tôh ăm ƀăng klâng pêt báu dêi pơlê kong kơdrâm Kon Tum a kơpong hngêi kơmăi on tơhrik Yaly, tíu pêi cheăng ki ai tơdjâk troh xúa 3 to tíu hrik têa ƀă on tơhrik a cheăm Ngọc Bay ƀă cheăm Vinh Quang hâi măng hrik têa ing kroăng Đak Bla vâ tôh ăm báu.
Ƀă ki tê môi tíu hrik dâng 600m3 tung môi chôu hlối hrik mơ’no, xoăng, xúa têa tơtro, nôkố a mâu tíu hrik têa xuân ối bê tŭm têa vâ tôh ăm lố 400 ha klâng tung pơla báu dế xôk a mâu cheăm: Ngọc Bay, Vinh Quang ƀă Đoàn Kết.
Ƀă 2 to tíu hrik têa ki ê cho Tà Rộp ƀă Tà Wắc a cheăm Đăk Năng ôh tá ai têa, tíu pêi cheăng kố xuân hiăng ai troăng hơlâ vâ kơdroh ki báu hlâ ăm kuăn pơlê.
Viết bình luận