VOV4.Xơ Đăng - Vâ tơniăn mơdêk châ tơƀrê pêt mơjiâng tơmeăm, mơdêk  ki kơnâ kơvâ pêi chiâk deăng tung pơla tơdjâk dêi pơreăng kân COVID-19, kong pơlê Lâm Đồng dế tơkŭm pêi pro rơdêi tơdroăng tơrŭm pêt mơjiâng tơmeăm, uâ mơdiê ƀă tê tơmeăm pêi lo ing chiâk deăng ăm kuăn pơlê pêi chiâk deăng.

Lâm Đồng thăm mơnhông mơdêk mâu tơdroăng tơrŭm pêt mơjiâng tơmeăm ƀă tê tơmeăm pêi lo ing chiâk deăng

Lâm Đồng nôkố ai lối 180 troăng tơrŭm pêt mơjiâng tơmeăm ƀă tê mâu tơmeăm pêi lo ing chiâk deăng ƀă vâ chê 18.400 rơpŏng kuăn pơlê veăng. Kơnôm tơdroăng tơrŭm kố, 520 rơpâu tâ̆n tơmeăm pêi lo ing chiâk deăng tŭm túa dêi kuăn pơlê pêi chiâk deăng tung hơnăm hiăng hluâ hiăng tơniăn ‘na tíu tê.

Kong pơlê Lâm Đồng pơkâ tơdroăng pêi la ngiâ mơdêk tơdroăng tơrŭm pêt mơjiâng tơmeăm tâk 200 tơdroăng tơrŭm pêi tung hơnăm kố, ƀă veăng amê ai lối 20 rơpâu rơpŏng kuăn pơlê  pêi chiâk deăng ƀă tơmeăm pêi ing chiâk deăng tê châ lối 600 rơpâu tâ̆n. Vâ châ pơkâ kố, kong pơlê kô tơkŭm pêi pro hên troăng hơlâ tŏng kum mơnhông mơdêk troăng tơrŭm cheăng, khu tê mơdró kŭn ƀă krâ kô vâ, pơtối tŏng kum kuăn pơlê xúa mâu troăng pêi ki rơkê mơdêk tơmeăm ăm i lĕm păng ‘nâng ƀă kơxô̆ tơmeăm khoăng châ hên.

            A Sa Ly tơplôu ƀă tơbleăng