Péa kong pơlê Kon Tum ƀă Gia Lai ai tíu tơkăng kong achê mê ai 9 tơring, pơlê kong kơdrâm ki xŏn lối 183 km. Kơpong ki achê 2 to kong pơlê tơkŭm hên tơnêi kong kân, ai hên loăng kân, hên hdrê loăng nhâ ki kơnía ki lĕm, hên kuăn kiâ kong ki kơnía git, xua mê tơ’lêi tro khu ki ‘mêi lăm tong kếo loăng, lúa kuăn kiâ kong.
5 hơnăm hdrối pêi pro tiô pơkâ tơrŭm, mâu khu cheăng rak ngăn dêi 2 kong pơlê tơkŭm lăm ngăn lối 1 rơpâu 300 hdroh lăm séa ngăn, tăng ngăn vâ râk kong; Châ hlo rup pơxâu phak pro hlá mơ-éa ki xôi 275 tơdroăng, tung mê pơxâu phâk liăn 242 rôh, pơxâu phâk 27 rôh ƀă vâ chê 16 ha kong ki tro vâi ko ‘nhiê; Xo tơvêh lối 185,3 loăng pŭm tŭm túa, 20 kg kuăn kiâ kong. Tâi tâng kơxô̆ liăn châ xo ing pơxâu phâk, nâp ăm hngêi rak liăn ngăn tơnêi têa lối 2 rơtal 500 rơtuh liăn.
Viết bình luận