Po kơchơ pơlê pêi cheăng pro tơmeăm ƀă kŏng tơmeăm OCOP Việt Nam rôh má 18 ƀă Hneăng tơ’noăng mâu tơmeăm teăn ƀă kŏng hơnăm 2022 cho 2 tơdroăng cheăng ki xiâm tung 7 tơdroăng po leh “Festival pơlê cheăng pêi pro tơmeăm ƀă kŏng dêi Việt Nam hơnăm 2022” xua Khu xiâm ngăn ‘na chiâk deăng pơkuâ ƀă mơnhông mơdêk thôn pơlê.

Tơbleăng tơdroăng mơnhông mơdêk pêi chiâk ƀă thôn pơlê krá tơniăn a pơla hơnăm 2021-2030, hvái ngăn troh hơnăm 2050; Tơdroăng pơkâ dêi tơnêi têa mơjiâng thôn pơlê nếo pơla hơnăm 2021-2025, po kơchơ pơlê cheăng pro tơmeăm ƀă kŏng tơmeăm OCOP Việt Nam rôh má 18 vâ tơbleăng, khĕn kơdeăn pơlê cheăng tiô túa ton nah; mâu ngế rơkê cheăng pêi lo mâu tơmeăm ki lĕm, tơbleăng mâu túa pơlê cheăng, kơphô̆ pêi cheăng ki tơviah tung lâp tơnêi têa.

Tơmeăm pêi lo OCOP Dak Lak a tíu tơbleăng tê tơmeăm

Tối tơbleăng tơdroăng rêm cheăm môi tơmeăm pêi lo (Tơdroăng OCOP), tơdjêp ƀă tê mâu tơmeăm pêi lo OCOP, mâu tơmeăm ki hmâ pêi dêi pơlê ƀă mâu ƀâng ki hmâ tê ƀă tê túa nếo nôkố. Pakĭng mê,  tơ’mot ‘no liăn cheăng, mơhnhôk mơnhông mơdêk tơdroăng cheăng ‘na mơhno túa lĕm tro ôm hyô ƀă kơvâ cheăng dêi thôn pơlê, ‘mâi mơnhông - mơdêk tơdroăng cheăng, mơdêk tơrŭm ki pơxúa ing pêi pro troh tê tơmeăm, mơnhông mơdêk krá tơniăn, hmâ ƀă hyôh kong prâi.