Pơlê kong kân Hồ Chí Minh ƀă mâu kong pơlê Tây Nguyên tơrŭm hriăn plĕng khoa hok kŏng ngê̆ kơvâ pêi chiâk deăng
Thứ sáu, 14:54, 12/04/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Vâ mơdêk tâ mê nếo tung tơrŭm hriăn plĕng khoa hok kŏng ngê̆ kơvâ pêi chiâk deăng tối krê ƀă cheăng kâ – rêh ối pơlê pơla tối tơdjuôm pơla 5 kong pơlê Tây Nguyên ƀă Pơlê kong kân Hồ Chí Minh, hâi 11/4, a pơlê kong kơdrâm Kon Tum hiăng tơkŭm po Hneăng hôp khoa hok râ kơpong ‘’Tơpui tơno xúa ki rơkê kih thuât tung mơjiâng troăng pêi xúa kŏng ngê̆ rơxông nếo, kŏng ngê̆ sinh hok; troăng păn, pro hdrê, uâ mơdiê, rak ƀă loăng plâi mâu kong pơlê kơpong Tây Nguyên’’.
Môi chât pŭn tham luâ̆n dêi mâu ngế ki rơkê, khu pơkuâ rơtế hên rơkong tơpui a Hneăng hôp ăm hlo, kơpong Tây Nguyên ai ƀăng deăng kân má 3 lâp tơnêi têa ƀă hên tơmeăm ki ai hlâu vâ mơnhông pêi chiâk deăng. Laga, xua tơdjêp kơpong tung tơdroăng ki kơnâ ối iâ rơtế mâu tơdroăng ki kơdroh tung xúa khoa hok, pơhlêh nếo kŏng ngê̆, xua mê Tây Nguyên tá hâi mơnhông tơxâng tơmeăm ki ai hlâu.
Pôa Nguyễn Hữu Tháp, Kăn phŏ hnê ngăn Vi ƀan kong pơlê Kon Tum tối, tơdroăng tơrŭm ƀă Pơlê kong kân Hồ Chí Minh tung hriăn plĕng khoa hok, mơnhông kŏng ngê̆, mơdêk tơdjêp kô po tơdroăng ki châ tơƀrê kân, kum mơjiâng chiâng mâu tơdroăng tơdjêp pêi chiâk deăng tơxâng ƀă tơmeăm khoăng ki ai hlâu dêi Tây Nguyên.
Viết bình luận