Kố cho roh apoăng Dak Lak tơkŭm po tơdroăng kố tung tơdroăng po Leh tơbleăng kơphế Ƀuôn Ma Thuột. Pơtối mê, Hâi xah hêi ro kơphế kô châ tơkŭm po sap hâi lơ 10 troh hâi lơ 12 khế 3 a Kơpong tíu chôu ‘măn tơmeăm khoăng roh ton nah tơdroăng roh ton nah – Khôi túa lĕm Đồn Điền Ca Đa, cheăm Ea Yông, tơring Krông Păč, kong pơlê Dak Lak.  Ƀă dó inâi ‘’Rơtế, kum dêi pó’’, Hâi xah hêi ro kơphế kô djâ troh roh tơ’lêi hlâu tơbleăng ó rơdêi inâi kơphế Ƀuôn Ma Thuột, pơ-ôu pơ-eăng mơngế pêt ƀă uâ mơdiê kơphế, tơdrêng amê mơnhên tíu kơphế Việt Nam tung lơgât lâp plâi tơnêi.

A hâi xah hêi ro, kô ai hên tơdroăng ki má môi, ối ai tơdroăng ‘mâi on koh kân a kơmăng, tơ’noăng pêi chiâk deăng rơkê, trâm mâ mơhno khôi túa lĕm – rơhdruê xuăng ƀă ki rơhêng vâ tối cho mâu roh uâ mơdiê, kơ-ốu, hơ’lâk kơphế ki xú hŏm lĕm. Leh tơbleăng kơphế Ƀuôn Ma Thuột roh má 9 hơnăm 2025 tơkŭm po sap hâi lơ 9 troh lơ 13/3/2025 ƀă dó inâi ‘’Ƀuôn Ma Thuột tíu troh dêi kơphế lâp plâi tơnêi’’.