Hâi lơ 28/8, a Dak Lak, Tíu xiâm Mơhnhôk pêi chiâk deăng Tơnêi têa tơrŭm Khu pơkuâ ‘na pêi chiâk deăng ƀă Kong prâi kong pơlê tơkŭm po tơpui tơno ‘na ‘’Troăng mơnhông tơdroăng ki tơdjêp pêt mơjiâng tơmeăm – tê krui kơxái krá tơniăn’’. Lâp tơnêi têa nôkố ai lối 10.000ha krui kơxái, kơxô̆ plâi châ 190.000 – 220.000 tâ̆n/hơnăm, tơkŭm hên a Tây Nguyên. Dâng 80% kơxô̆ djâ uâ bro, tê ngi kong têa ê châ lối 170 rơtuh dolar/hơnăm. Laga, kơvâ krui kơxái kố ối trâm hên pơloăng mơnúa môi tiah tá hâi tơdâng tơ’mô. Phŏ kăn xiâm Tíu xiâm Mơhnhôk pêi chiâk deăng Tơnêi têa Hoàng Văn Hồng mơnhên:

Krui kơxái chiâng tơmeăm vâ tê châ rơtal dolar, ki rơhêng vâ tối a mâu kơchơ mơdró môi tiah EU, Mih, Úc, Hàn Quốc.

Vâ ‘nâi roh tơ’lêi hlâu, pêt mơjiâng thế tơniăn ki dâi lĕm tơdâng tơ’mô ƀă pôu râng hnoăng cheăng a rêm khâu, ing mê pêt mơjiâng châ tơƀrê pro ki kơnâ ƀă po rơdâ kơchơ mơdró ngi kong têa ê.