VOV4.Xơ Đăng - Hâi lơ 18/2, a Đồng Tháp, Khu xiâm pơkuâ ‘na pêi chiâk deăng ƀă Mơnhông mơdêk thôn pơlê tơrŭm ƀă Khu tơrŭm Lâp plâi tơnêi ‘na Rak vế loăng pơlái kong kong kế a Việt Nam dó inâi WWF - Việt Nam tơkŭm po Hneăng hôp tơpui tơno khu râ kăn xiâm ‘na troăng châ achê nếo ăm tơdroăng tơrŭm pêi chiâk deăng krá tơniăn.

Hneăng hôp tơpui tơno pơla rêm pâ ki tơdjâk troăng ki achê achê tâ nếo ăm tơdroăng pêi chiâk deăng krá tơniăn; ti tăng plĕng ƀă tối tơbleăng ăm mâu troăng mơnhông mơdêk pêi chiâk deăng krá tơniăn tung lâp plâi tơnêi; mâu troăng ‘na pơkuâ, liăn ngân tơtro ăm tơdroăng pêi chiâk deăng krá tơniăn; tŏng kum mâu khu ki pơkâ troăng hơlâ Việt Nam ƀă kơ koan cheăng pơkuâ ƀă pơkâ tơdroăng pêi cheăng vâ rơtế tơrŭm pêi pro hnoăng cheăng mơnhông mơdêk dêi kơvâ ƀă mâu tơdroăng tơkêa lâp plâi tơnêi vâ pêi pro pơkâ mơnhông mơdêk krá tơniăn.

A Sa Ly tơplôu ƀă tơbleăng