Xúa kŏng ngê̆ kơxô̆ mơnhông mơdêk pêi chiâk deăng kơphô̆
Thứ sáu, 14:45, 12/04/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo hâi lơ 11/4, a pơlê kong kơdrâm Đà Lạt, Khu xiâm ngăn ‘na chiâk deăng ƀă mơnhông thôn pơlê dêi tơnêi têa tơrŭm ƀă Khu xiâm ngăn ‘na chiâk deăng ƀă mơnhông thôn pơlê Lâm Đồng tơkŭm po hôp hnê mơhnhôk pêi chiâk deăng kơphô̆ rôh má 1 hơnăm 2024 ƀă pơxá xúa kŏng ngê̆ pơ’lêh kơxô̆ tung pêi chiâk, uâ pơliê pro tơmeăm ƀă tê tơmeăm pê lo ing chiâk deăng krúa.
Hneăng hôp hiăng mơdoh chôu tơmâng 5 tơdroăng tơbleăng tơdroăng chêh, tơdroăng tơpui tơno ƀă tơkŭm hên mâu tơdroăng veăng hnê tối dêi mâu ngế rơkê, mâu ngế cheăng khoa hok, mâu kơ koan rak ngăn dế tơbleăng tơdroăng pơ’lêh kơxô̆ dêi mâu khu xiâm, kơvâ cheăng, kâu lăk ƀô̆ hnê mơhnhôk ‘na chiêk deăng kơphô̆ a mâu cheăm, tơring tung kong pơlê.
Pôa Lê Minh Lịch, Kăn phŏ pơkuâ Tíu xiâm hnê mơhnhôk ‘na chiâk deăng tơnêi têa ăm ‘nâi, hôp tơpui tơno kô veăng ‘no hnoăng kal tung mơnhông cheăng hơ’lêh kơxô̆ tung pêi chiâk, uâ pơliê pro kế tơmeăm ƀă tê kế tơmeăm pê lo ing chiâk deăng krúa kơpong kơphô̆ tung la ngiâ.
Viết bình luận