VOV4.Sêdang - Kơxo lơ 15/7, a Hà Nội, Tíu xiâm Đoân Droh rơtăm Kŏng san Hồ Chí Minh, Tíu xiâm Khu ngăn Droh rơtăm Việt Nam ƀă kŏng ti veăng tơlo liăn dêi Grup Yeah1 tơkŭm pêi pro tơdroăng kơjo kum yă tê tơmeăm xúa ăm mâu droh rơtăm kŏng nhân ƀă kuăn pơlê. Tiô tơdroăng kĭ tơhrâ, droh rơtăm kŏng nhân, mơngế pêi cheăng ukố umê, kuăn pơlê ki pá puât xua tơdjâk pơreăng kân COVID-19 drêng rôe mâu tơmeăm thế xúa App rôe tơmeăm MEGA1 lơ luâ ing mâu tíu tơmeăm ki lăm tê ukô umê dêi Tơdroăng “Veăng kum hơ-ui pâ, rơtế ƀă dêi rơpó tơkâ luâ pơreăng kân” kô châ mâu khu mơdró veăng pêi pro tơdroăng kơdroh yă tê troh tơdế kơxô̆ liăn tê tơmeăm.

Tơdroăng tơbleăng pêi pro mê kô pro sap nôkố ta troh tâi khế 6/2022, a lối  63 to kong pơlê, pơlê kong kân, kum ahdrối cho mâu kong pơlê, pơlê kong kân ki dế tâ tú pơreăng COVID-19. Tơdroăng tơbleăng pêi tơdroăng mê xuân veăng kum pêi pro “tơpéa tơdroăng” hlối mơdât pơreăng tơ-ƀrê, hlối pơtối rak vế mơnhông mơdêk tê mơdró ƀă xuân cho kơpong mơnhông cheăng kâ pêi lo tơmeăm.

Gương tơplôu ƀă tơbleăng