VOV4.Sêdang - Hâi lơ 17/6, pôa Đỗ Tiến Sỹ, Ngế pơkuâ Rơ’jiu xiâm Việt Nam  ai rôh trâm mâ mơ’no tung um tơvi tơdrêng ƀă Kăn xiâm chêh tôm xo rơkong Khu mơ’no rơ’jiu, um tơvi châu Á- Thái Bình Dương (ABU) cho pôa Javad Mottaghi. A rôh trâm mâ, pôa Javad Mottaghi, Kăn pơkuâ ABU ai tối tiah kố, ƀă hnoăng cheăng hmâ pêi hên drêng hiăng xo pêi hên hnoăng cheăng pơkuâ hnê, pôa Đỗ Tiến Sỹ kô mơnhông Rơ’jiu Việt Nam  xông tơ-ƀrê tâ nếo tung la ngiâ.

Pôa Javad Mottaghi, ăm ‘nâi, ƀă hnoăng cheăng pêi cho Kăn xiâm chêh tôm xo rơkong ABU, pôa hiăng ai hên tơdroăng cheăng tơrŭm ƀă Rơ’jiu xiâm Việt Nam tung mâu hơnăm hdrối mê hía nah ƀă púi vâ ai rôh châ pêi cheăng tơrŭm ƀă pôa Đỗ Tiến Sỹ, Ngế xiâm pơkuâ rơ’jiu Việt Nam. Pôa Đỗ Tiến Sỹ tối, Rơ’jiu xiâm Việt Nam đi đo cho mâu ngế ki kơhnâ ai hnoăng cheăng dêi ABU vâ veăng mơnhông ABU rế xông tơ-ƀrê.

Gương tơplôu ƀă tơbleăng