VOV4.Sêdang -  Tung hâi lơ 16/6, tơdah xo kơxô̆ liăn veăng tơlo 10 rơtal liăn ing Kŏng ti pêi cheăng tiô rơnó  Hyosung Việt Nam ƀă Khu xiâm mơjiâng tơmeăm khoăng ƀă kơxô̆ liăn 1 rơtal liăn, kăn hnê ngăn Đảng, Kăn hnê ngăn Vi ƀan xiâm Măt trâ̆n tơnêi têa Việt Nam cho  Đỗ Văn Chiến ăm ‘nâi: Troh nôkố, kơxô̆ liăn veăng tơlo pơtroh ăm a liăn vâ rôe vaccine dêi mâu kơ koan, khu tơrŭm cheăng, khu mơdró ƀă khu ai tuăn hơ-ui hiăng tâk troh lối 5 rơpâu rơtal liăn. Kố cho tơdroăng veăng ‘no ivá mơno ki kân má môi dêi hdroâng mê tung tơdroăng tơplâ mơdât pơreăng mê.

Teăng mâ Khu kăn Vi ƀan xiâm Măt trâ̆n tơnêi têa Việt Nam, pôa Đỗ Văn Chiến pơtroh rơkong mơnê khât kơ mâu ngế kăn ƀô̆, mâu kăn, mâu ngế pêi cheăng hiăng veăng tơlo liăn hbrâ mơdât pơreăng ƀă malối cho hiăng veăng ‘no ivá mơno dêi mâu khu mơdró kong têa ê ki dế pêi cheăng a Việt Nam.

Vâ châ pêi pro tro tiô pơkâ pâk vaccine ăm lối 70% ngế kuăn pơlê tung hơnăm 2021, kal thế rôe 150 rơtuh klŏng vaccine hbrâ mơdât COVID-19 ƀă tâi tâng kơxô̆ liăn dâng 25,5 rơpâu rơtal liăn.

Gương tơplôu ƀă tơbleăng