VOV4.Sêdang - Kơxo lơ 1/7, a pơlê kong kơdrâm Kon Tum, Hô̆i đong hnê ngăn kong pơlê Kon Tum pơxiâm po rôh hôp má môi, hơnăm 2021 – 2026. A rôh hôp ki apoăng dêi hneăng cheăng, Hô̆i đong hnê ngăn kong pơlê Kon Tum hiăng pôk mâu inâi pơkuâ xiâm dêi Hô̆i đong hnê ngăn kong pơlê hneăng má 12. Ki nhên gá, pôa Dương Văn Trang, ngế cheăng tung tíu xiâm Đảng, kăn pơkuâ ngăn Đảng ủy, kăn Hô̆i đong hnê ngăn kong pơlê châ pôk pro kăn hnê ngăn Hô̆i đong hnê ngăn kong pơlê Kon Tum hneăng má 12, hneăng hơnăm 2021 – 2026 ƀă kơxô̆ phĭu pôk cho tâi tâng mâu kăn ki veăng tung rôh hôp.

Pôa Dương Văn Trang peăng hơ'vá

Pôa Dương Văn Trang, kot mâ hâi lơ 20/2/1961. Pơlê xiâm: Cheăm Đức Lợi, tơring Mộ Đức, kong pơlê Quảng Ngãi. Tơdroăng cheăng ki hmâ pêi: Cử nhân Quân sự. Lý luận chính trị: Cao cấp. Rôh hôp pôk pôa Nguyễn Thế Hải prếi jâ Nghe Minh Hồng, kăn phŏ hnê ngăn Hô̆i đong hnê ngăn kong pơlê Kon Tum hneăng má 11 châ vêh pôk pro kăn phŏ hnê ngăn Hô̆i đong kong pơlê Kon Tum hneăng má 12.

Nga tơplôu ƀă tơbleăng