VOV4.Sêdang - Kơxo lơ 17/6, a tíu pêi cheăng Khu xiâm pơkuâ ngăn lêng, Kăn Đảng lêng xiâm tơnêi têa hneăng 2020-2025 tơkŭm po hneăng hôp roh má môi ai pôa Nguyễn Phú Trọng, Kăn xiâm pơkuâ hnê ngăn, Kăn xiâm hnê ngăn Đảng lêng xiâm tơbleăng Pơkâ dêi Khu xiâm kal kí thế mâu kăn veăng tung khu Đảng lêng xiâm, khu pơkuâ Đảng lêng xiâm hneăng hơnăm 2020-2025, tối tơbleăng tơdroăng cheăng pơkuâ hnê mơhno tơdroăng cheăng lêng tung 6 khế hdrối, pơkâ tơdroăng cheăng pêi tung la ngiâ. 

Veăng hôp mê ai pôa Nguyễn Xuân Phúc, Kăn xiâm hnê ngăn tơnêi têa; pôa Phạm Minh Chính, Ngế pro xiâm hnê ngăn Chin phuh, pôa Võ Văn Thưởng, Ngế hnê mơhno cheăng Đảng, Thươ̆ng tươ̆ng Phan Văn Giang, Ngế xiâm pơkuâ ngăn lêng, rơtế ƀă hên mâu kăn cheăng tung Khu xiâm kal kí, Kăn hnê ngăn xiâm Đảng, Kăn hnê ngăn mâu Khu cheăng xiâm, kơvâ cheăng xiâm. Tơbleăng a hneăng hôp, pôa Nguyễn Phú Trọng thế, khu Đảng lêng xiâm hneăng ki nếo kal hlê plê̆ng trâu ‘na hnoăng cheăng tơná, pơtối mơ-eăm, triô troăng hơlâ pơkâ, môi tuăn ƀă dêi rơpó, rak tơniăn pơkâ, ai túa pơkuâ cheăng khoa hok, môi tuăn dêi rơpó, mơjiâng khu lêng môi tuăn ƀă tơnêi têa, ƀă Đảng, Tơnêi têa ƀă kuăn pơlê, malối, mơjiâng Đảng xiâm lêng krá lĕm, ó rơdêi, djâ troăng lĕm ahdrối ƀă pơkuâ tâi tâng mâu lêng pêi tơƀrê tŭm tơdroăng cheăng ki hiăng pơcháu vâ pơtối pro lĕm tơ’nôm um méa mô đô̆i Pôa Hồ.

Gương tơplôu ƀă tơbleăng