VOV4.Sêdang - Kơxo lơ 28/6, klêi kơ’nâi leh tơdah khât, a Tíu pêi cheăng Tíu xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng tơpui tơno ƀă pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo. Tung tơdroăng trâm mâ loi tơngah, rŭm môi tuăn ki phá tơ-ê, péa pâ tơbleăng ăm dêi pó ‘na tơdroăng rêm Đảng, rêm tơnêi têa; tơpui tơno ‘na troăng prôk la ngiâ, troăng ki đo đo thăm tơrŭm cheăng pơla péa Đảng, péa tơnêi têa xuân môi tiah mâu tơdroăng lâp plâi tơnêi ƀă kơpong rơtế vâ tơmâng.

Roh lăm pôu pêi cheăng dêi khu râ kăn xiâm Đảng, kong têa Lếo tơxâng tơdroăng pói vâ dêi péa pâ vâ pơtối tơpui tơno mâu túa ki rơkê tơtro tung mơnhông mơdêk, mâu troăng thăm pêi pro châ tơƀrê mâu tơdroăng môi tuăn khu râ kăn xiâm péa Đảng, péa tơnêi têa tung hơnăm kố ƀă mâu hơnăm pơtối nếo.

Pôa Nguyễn Phú Trọng, Kăn xiâm pơkuâ hnê ngăn Đảng ƀă pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mot tung kơbong tơpui tơno

Ing mê, môi tuăn khu râ kăn xiâm péa Đảng, péa tơnêi têa tung hơnăm kố ƀă mâu hơnăm pơtối nếo. Ing mê, mơnhên tơdroăng ki rŭm môi tuăn, loi tơngah, ôh tá lôi dêi pó, tơdrăng lĕm hmâ hdrối mơ’nui môi tiah môi dêi Đảng ƀă Tơnêi têa kuăn pơlê 2 tơnêi têa vâ rơtế tơpui tơno mâu túa ki rơkê tơtro tung mơnhông mơdêk, mâu troăng thăm pêi pro châ tơƀrê mâu tơdroăng môi tuăn khu râ kăn xiâm 2 Đảng, péa tơnêi têa.

A Sa Ly tơplôu ƀă tơbleăng