VOV4.Sêdang - Kơxo  lơ 20/7, pôa Nguyễn Phú Trọng, Kăn xiâm pơkuâ hnê ngăn Đảng, Tơnêi têa veăng leh pơxiâm po hneăng hôp roh má môi, Kuô̆k hô̆i hneăng 15 châ tơkŭm po kân krip a kơbong hôp Diên Hồng a pơlê kong xiâm Hà Nội. Tối tơbleăng a rôh hôp, pôa Nguyễn Phú Trọng thế, Kuô̆k hô̆i pơtối rak vế ki rơdêi tâ nếo hnoăng cheăng, tíu pêi cheăng dêi tơná tung tơdroăng mơjiâng luât ăm mâu tơdroăng cheăng dêi tơnêi têa, pêi tơdroăng mơnhông cheăng kâ - rêh ối, tơniăn ‘na tơdroăng kring gak, tơpui kâ.

Pôa Nguyễn Phú Trọng, Kăn xiâm pơkuâ hnê ngăn Đảng veăng leh pơxiâm po hneăng hôp apoăng dêi Kuô̆k hô̆i hneăng XV

Mơdêk rĕng ƀă mơnhông tơ-ƀrê mâu tơdroăng pơkâ hlá mơ-eá luât; rĕng mơjâng tŭm luât, tơdâng tơ'mô, rak tơniăn tơ-ƀrê, ai tiô púi vâ nôkố.

Cho kơ koan mâu kăn xiâm dêi kuăn pơlê, kơ koan ki xiâm dêi Tơnêi têa ki xiâm má môi dêi tơnêi têa Kŏng hòa xah hô̆i chuh ngiah Việt Nam, Kăn xiâm pơkuâ hnê ngăn Đảng thế Kuô̆k hô̆i pơtối rak vế mâu hnoăng cheăng ki hiăng châ chiâng pêi pro tung plâ 75 hơnăm hdrối, pơtối pơ’lêh nếo, mơdêk tâ nếo ki tơ-ƀrê ƀă pơxúa vâ ai tiô tơdroăng púi vâ má môi, hnoăng cheăng pêi ki kal dêi tơnêi têa tung la ngiâ.

Gương tơplôu ƀă tơbleăng