VOV4.Sêdang - Kơxo lơ 24/6, a hneăng hôp má môi, Hô̆i đong Pơlê kong kân Hồ Chí Minh hneăng má X, pôa Nguyễn Thành Phong, Kăn hnê ngăn Vi ƀan pơlê kong kân Hồ Chí Minh, hneăng hơnăm 2016 – 2021 hiăng pơtối châ rah xo to pro Kăn hnê ngăn Vi ƀan Pơlê kong kân Hồ Chí Minh hneăng hơnăm 2021 – 2026. A hneăng hôp, jâ Nguyễn Thị Lệ, Kăn hnê ngăn Hô̆i đong Pơlê kong kân Hồ Chí Minh hneăng má X hiăng pơchuât mơ-éa tơbleăng ngế châ rah xo to pro Kăn hnê ngăn Vi ƀan pơlê kong kân hneăng má X hneăng hơnăm 2021 – 2026 ƀă pôa Nguyễn Thành Phong, Kăn hnê ngăn Vi ƀan Pơlê kong kân Hồ Chí Minh hneăng hơnăm 2016 – 2021.

Pôa Nguyễn Thành Phong pơtối châ to pro nếo Kăn hnê ngăn Vi ƀan Pơlê kong kân Hồ Chí Minh

Ƀă châ 77/86 phĭu vâ môi tuăn, châ 89,5% kăn teăng mâ ai mâ môi tuăn, pôa Nguyễn Thành Phong pơtối châ to pro nếo Kăn hnê ngăn Vi ƀan Pơlê kong kân Hồ Chí Minh hneăng hơnăm 2021 – 2026. Pôa Nguyễn Thành Phong kot mâ hâi lơ 18/7/1962, a cheăm Tam Phước, tơring Châu Thành, kong pơlê Bến Tre. Pôa cho Tiê̆n sih Kinh tế hok, kơvâ kế hoạch hóa kinh tế quốc dân, cao cấp Lĭ luận kal kí.

          A Sa Ly tơplôu ƀă tơbleăng