VOV4.Sêdang - Kơxo lơ 30/6, a tíu pêi cheăng dêi pôa Nguyễn Xuân Phúc, Kăn xiâm hnê ngăn tơnêi têa pêi cheăng tơdrêng mơ’no tung um ƀă pôa Choi Young Joo, Kăn xiâm hnê ngăn Khu tơrŭm cheăng pơla Hàn Quốc - Việt Nam, hlối cho Kăn xiâm hnê ngăn Grup Panko. Kăn xiâm hnê ngăn Khu tơrŭm cheăng pơla Hàn Quốc - Việt Nam ăm ‘nâi, mâu Khu mơdró Hàn Quốc hiăng veăng tơlo châ 1 rơtuh dollars kum Việt Nam hbrâ ví pơreăng COVID-19.

Ing Khu tơrŭm cheăng pơla Hàn Quốc - Việt Nam, pôa Nguyễn Xuân Phúc, Kăn xiâm hnê ngăn tơnêi têa krếo mâu khu mơdró Hàn Quốc pơtối veăng kum Việt Nam hbrâ mơdât COVID-19, hlối mơdêk ‘no liăn cheăng a mâu tơdroăng ‘na khoa hok kơmăi kơmok, ‘na pro pơkeăng, mơnhông chiâng pơlê kong kân ki rơkê ƀă hên tơdroăng cheăng ki ê.

Kăn xiâm hnê ngăn tơnêi têa khĕn kơdeăn pôa Choi Young Joo, Kăn xiâm hnê ngăn Khu tơrŭm cheăng pơla Hàn Quốc - Việt Nam, Grup Panko ƀă mâu grup ki ê dêi Hàn Quốc môi tiah Samsung, SK,.. hiăng mơhno hiâm mơno ki lĕm veăng kum Việt Nam, hlối kum Việt Nam hbrâ mơdât pơreăng, hlối veăng mơnhông cheăng kâ dêi mâu grup ki kân dêi Hàn Quốc ki ‘no liăn pêi cheăng kâ a Việt Nam.

Gương tơplôu ƀă tơbleăng