VOV4.Sêdang -  Drêng troh  lêh tơbâ 96 hơnăm Hâi hlá tơbeăng Kăch măng Việt Nam lơ 21/6, pôa Nguyễn Xuân Phúc, Kăn xiâm hnê ngăn tơnêi têa rơkâu tâi tâng rêm  rơxông mơngế chêh hlá tơbeăng tung lâp tơnêi têa, hlối khĕn kơdeăn mâu ngế chêh hlá tơbeăng ôh ta xâu pá puât mơ-eăm tơkâ luâ xơpá, veăng pêi hnoăng cheăng hbrâ mơdât pơreăng COVID-19 tung pơla hdrối kố nah.

Tung kơthô ai chêh: “Drêng troh tơbâ Hâi hlá tơbeăng Kăch măng Việt Nam, a hâk mơnê khĕ kơdeăn khât mâu kăn ƀô̆, mâu ngế chêh hlá tơbeăng mâu ngế rah chêh mâu tơdroăng ƀă mâu ngế cheăng xup um a mâu kơ koan chêh hlá tơbeăng tung lâp tơnêi têa tung pơla hdrối kô hiá nah.  Pó hiăng veăng ‘no hnoăng tơ’nôm tơdroăng ‘na chêh hlá tơbeăng Kăch măng Việt Nam xua Pôa Hồ Chí Minh, Kăn xiâm hnê ngăn tơnêi têa ki apoăng mơjiâng ƀă hnê”.

Pôa Nguyễn Xuân Phúc, Kăn xiâm hnê ngăn tơnêi têa tơbâ mơnê kơ mâu ngế chêh hlá tơbeăng hơnăm hiăng krâ

Hdrối mê, pôa Nguyễn Xuân Phúc hiăng troh lăm pôu, rơkâu ƀă hlối hbru tơmeăm ăm khu chêh hlá tơbeăng ƀă rơpŏng mâu ngế chêh hlá tơbeăng kơhnâ rơkê; tung mê, ai ngế chêh hlá tơbeăng hiăng krâ Đặng Minh Phương, hơnăm kố hiăng 93 hơnăm, hdrối nah pêi cheăng a pái tíu chêh hlá tơbeăng dêi Đảng: Cứu quốc  Nam Trung Bộ,  Cờ Giải phóng ƀă Nhân Dân. Drêng troh leh tơbâ 96 hơnăm hâi Hlá tơbeăng Kăch măng Việt Nam, klêi lăm pôu ngế chêh hlá tơbeăng Đăng Minh Phương, pôa Nguyễn Xuân Phúc pơtroh rơkong rơkâu mâu ngế chêh hlá tơbeăng ki ai hnoăng hên tung tơdroăng mơnhông ‘ba chêh hlá tơbeăng kăch măng Việt Nam.

Gương tơplôu ƀă tơbleăng