VOV4Xơ Đăng - Hâi lơ 9/1, Khu chêh văn Việt Nam tơkŭm po leh mơhnhôk hriăn chêh văn hok ‘na vâi hdrêng. Tơbleăng a leh mơhnhôk, pôa Nguyễn Xuân Phúc, kăn xiâm hnê ngăn tơnêi têa khĕn kơdeăn Khu chêh văn hok Việt Nam tơkŭm po hriăn chêh văn hok ‘na vâi hdrêng ƀă tối, kố cho tơdroăng ki ai pơxúa.  Xua văn hok cho xiâm ki păn mơ’rêh ‘na hiâm mơno ‘na tơdroăng ki lĕm, ki ‘nâi hơ-ui, ki lĕm tro ‘na hiâm mơno; hlối tơ’nôm ai tuăn mơ-eăm mơnhông dêi kuăn mơngế, malối ƀă mâu rơxông ối nếo, mâu droh rơtăm, mâu phô̆m xông kân, mâu vâi o.

Kăn xiâm hnê ngăn Tơnêi têa tối tơbleăng a hâi leh

Kăn xiâm hnê ngăn Khu chêh văn hok Việt Nam Nguyễn Quang Thiều ăm ‘nâi, rôh mơhnhôk chêh văn hok ‘na vâi hdrêng ton tung pơla 5 hơnăm (sap nôkố ta troh tâi khế 5/2025) ai 2 túa văn xuôi thơ. Mâu ki veăng tơ’noăng chêh mê cho tâi tâng kuăn pơlê Việt Nam tung tơnêi têa ƀă kong têa ê. Khu tơtŭm po kô mơhnhôk ăm mâu vâi o mâu droh trơtăm mâu phô̆m xông kân ƀă vâi o veăng chêh. Leh mơhá pri rôh má môi tiô tối hdrối a rôh Têt Trung thu hơnăm 2023.

Gương tơplôu ƀă tơbleăng