VOV4.Sêdang - Pôa Phạm Bình Minh, Ngế pro xiâm phŏ hnê ngăn tơnêi têa nếo ai rôh trâm pôa Vivian Balakrishnan, ngế xiâm tơpui kâ kong têa Singapore. Pôa Phạm Bình Minh tối nhên, tơrŭm cheăng la ngiâ pơla Việt Nam – Singapore dế mơnhông pơxúa ƀă tơƀrê. Ngế pro xiâm phŏ hnê ngăn tơnêi têa phiu ro péa pâ rĕng mơjiâng, tơbleăng po hôp péa khu pêi cheăng ‘na hbrâ mơdât pơreăng kân COVID-19, pêi pro troh tơdroăng tơkêa mơnhên dêi rơpó ‘na chưng chih vaccine ƀă tơrŭm cheăng kâ vâ pro ivá ăm tơdroăng ‘mâi mơnhông ƀă mơdêk cheăng kâ tơtro ƀă tơdroăng nếo.

Pôa Phạm Bình Minh tơdah pôa Vivian Balakrishnan, ngế xiâm tơpui kâ kong têa Singapore

Xuân a rôh trâm mâ, pôa Phạm Bình Minh pâ thế Singapore tơrŭm tung mâu tơdroăng ki mơdêk hiâm mơno tơrŭm ƀă hnoăng cheăng tíu xiâm dêi ASEAN.

Katarina Nga tơplôu ƀă tơbleăng