VOV4.Sêdang - Pôa Phạm Minh Chính, Ngế pro xiâm hnê ngăn Chin phuh nếo ai roh pêi cheăng ƀă Khu xiâm tơpui kâ ‘na tơdroăng pêi pro troăng tơpui kâ tiô Pơkâ Hneăng hôp roh má XIII dêi Đảng. Klêi kơ’nâi tơmâng mâu rơkong xông tơpui, pôa Phạm Minh Chính khĕn kơdeăn kơvâ Tơpui kâ ƀă kong têa ê hiăng mơnhông khôi túa phiu ro dêi kơvâ, pêi pro ƀlêi trâng troăng tơpui kâ ƀă kong têa ê dêi Đảng, đi đo pơkâ ki pơxúa tơnêi têa hdroâng mơngế cho má môi ƀă ki apoăng.

Tâi tâng a roh pêi cheăng

Ngế pro xiâm hnê ngăn tơnêi têa pơkâ thế Khu xiâm tơpui kâ kal mơnhông ó rơdêi mâu tơdroăng châ tơƀrê, tơkŭm pêi pro châ tơƀrê troăng hơlâ tơpui kâ ƀă kong têa ê tơniăn krê pơkuâ xêh, hơniâp ro, rơtế tơrŭm, nhŏng o ƀă mơnhông mơdêk, thăm tơrŭm hên troăng tung tơpui kâ ki Pơkâ Hneăng hôp roh má XIII dêi Đảng hiăng pơkâ mơ’no, rak tơniăn ki pơxúa tơnêi têa dêi hdroâng mơngế.

Tung rơxông nếo, pôa Phạm Minh Chính hnê mơhno Khu xiâm tơpui kâ kal thăm mơnhông ó rơdêi hnoăng djâ troăng ahdrối dêi tơpui kâ tung tơdroăng mơjiâng ƀă rak tơdroăng hơniâp lĕm, rak tơniăn; mơhnhôk mâu khu râ vâ mơnhông tơtêk, kum mơdêk hnoăng cheăng ƀă ki loi tơngah dêi tơnêi têa.

A Sa Ly tơplôu ƀă tơbleăng