VOV4.Sêdang - Kơxêi lơ 12/7/2021, pôa Phạm Minh Chính, Ngế pro xiâm hnê ngăn Chin phuh hiăng krếo phôn tơpui ƀă pôa Naftali Bennett, Ngế pro xiâm hnê ngăn kong têa Israel. Ngế pro xiâm hnê ngăn kong têa Israel khĕn kơdeăn khât hnoăng cheăng dêi Việt Nam tung pơla hdrối kố  nah hbrâ ví pơreăng kân COVID-19, xuân môi tiah tơdroăng mơnhông cheăng kâ - rêh ối ƀă tơpui kâ. Pôa tối, Israel nhoăm tơdroăng mơnhông mơdêk tâ nếo ‘na tơrŭm cheăng tung hên kơvâ ƀă Việt Nam. Pôa Phạm Minh Chính rơkâu pôa Naftali Bennett, châ rah xo pro Ngế pro xiâm hnê ngăn kong têa Israel.

Tung pơla ai pơ reăng ki nếo pro tơdroăng tâ tú COVID-19 rế rơ-iô, pôa Phạm Minh Chính púi vâ péa pâ tơrŭm krá ƀă dêi rơpó tung tơdroăng tơplâ mơdât pơreăng COVID-19. Péa ngế pro xiâm hnê ngăn tơnêi têa vâ tơrŭm cheăng kra kak vâ mơnhông tơdroăng tơrŭm tung hên kơvâ cheăng tâ nếo pơla péa tơnêi têa rế tơ-ƀrê; mơdêk rĕng tơpui kâ, kĭ tơhrâ tơrŭm cheăng tê mơdró, rak tơniăn ƀă kĭ Tơhrâ tơrŭm cheăng  pơla péa tơnêi têa; pơkâ kân tâ nếo tơdroăng mơ-eăm ‘no liăn cheăng, tê mơdró pơla péa pâ, pêi pro tơdroăng vâ mơnhông mơdêk tơniăn klêi kơ’nâi ai pơreăng kân.

Gương tơplôu ƀă tơbleăng