VOV4.Sêdang - Hâi lơ 27/6, pôa Phạm Minh Chính, Ngế pro xiâm hnê ngăn tơnêi têa hiăng pêi cheăng ƀă Khu pơkuâ cheăng Đảng kong pơlê Đồng Nai ‘na tơdroăng hbrâ mơdât COVID 19 ƀă tơdroăng mơnhông mơdêk cheăng kâ – rêh ối pơlê pơla, cheăng lêng gâk kring 6 khế apoăng hơnăm 2021, hnoăng cheăng troăng pêi ki xiâm 6 khế mơ’nui hơnăm 2021.

Pôa Phạm Minh Chính, Ngế pro xiâm hnê ngăn Chin phuh pêi cheăng ƀă Khu pơkuâ hnê ngăn Đảng kong pơlê Đồng Nai

Klêi kơ’nâi tơmâng tơbleăng dêi kong pơlê Đồng Nai ƀă mâu rơkong tơpui tối dêi mâu Khu xiâm, kơvâ cheăng, Ngế pro xiâm hnê ngăn tơnêi têa kheăn kơdeăn mâu tơdroăng ki châ tơƀrê ki kong pơlê Đồng Nai hiăng châ tơƀrê, tơdroăng pơreăng hiăng châ mơdât, tơdroăng cheăng kâ - rêh ối pơlê pơla châ tơniăn, pêi pro tơdroăng kum rêh ối pơlê pơla. Ngế pro xiâm hnê ngăn tơnêi têa mơnhên, Đồng Nai ai hnoăng kal khât ƀă kơpong ƀă lâp tơnêi têa, khŏm pêi kơtăng, mơ-eăm pêi pro pơkâ péa xôh.

Nôkố tơdroăng pơreăng xông tâ tú ó, kong pơlê thế mơnhên troăng mơdât, hbrâ mơdât drêng ai pơreăng xông tâ tú ó. Đồng Nai kal tơrŭm krá tơniăn ƀă mâu Khu xiâm, kơvâ cheăng vâ tơleăng mâu tơdroăng ki tơdjâk troh troăng hơlâ, ƀă tíu ki kreăng tung mơnhông mơdêk cheăng kâ.

A Sa Ly tơplôu ƀă tơbleăng