VOV4.Sêdang - Kơxo lơ 1/7, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng pơkuâ hneăng hôp Chin phuh tiah hmâ khế 6. A Rôh hôp, Chin phuh tơmâng ƀă tơpui tơno 6 tơdroăng tối tơbleăng ‘na mâu tơdroăng, khu tơdroăng: tơdroăng cheăng kâ - rêh ối khế 9 ƀă 6 khế apoăng hơnăm 2021; ‘mâi ngăn tơdroăng hnê mơhno, pơkuâ dêi Chin phuh 6 khế apoăng hơnăm 2021; pêi pro tiô troăng hơlâ ki ‘mâi hơ’lêh tơdroăng tê mơdró, mơdêk ivá tơbriât cheăng dêi tơnêi têa 6 khế apoăng hơnăm ƀă tơdroăng cheăng, troăng hơlâ pêi 6 khế mơ’nui hơnăm 2021.; tơdroăng pêi pro kơdroh, pro tơ’lêi hlâu mâu pơkâ ki tơdjâk troh tơdroăng cheăng tê mơdró kâ 6 khế apoăng hơnăm ƀă tơdroăng cheăng pêi 6 khế mơ’nui hơnăm 2021 ƀă mâu tơdroăng kal ki ê.

Tâi tâng a roh hôp Chin phuh tiah hmâ khế 6/2021

Tơpui a rôh hôp, pôa Phạm Minh Chính tối, rôh hôp mê ai pơxúa kal khât, tối tơdroăng cheăng cheăng kâ - rêh ối, tơdroăng cheăng pơkuâ dêi Chin phuh tung 6 khế apoăng hơnăm ƀă mâu tơdroăng cheăng pêi, troăng hơlâ 6 khế mơ’nui hơnăm 2021. Pakĭng mê, tơpui hên tơdroăng ki kal, ki pêi tơdrêng nôkố môi tiah hbrâ mơdât pơreăng COVID-19, kơdroh xơpá mơnhông cheăng kâ tê mơdró.

Gương tơplôu ƀă tơbleăng