VOV4.Sêdang - Tung rôh tơpui phôn ƀă pôa Tedros Adhanom Ghebreyesus, Ngế xiâm ngăn ‘na pơkeăng lâp plâi tơnêi (WHO) a kơxêi lơ 24/6, pôa Phạm Minh Chính, Ngế pro xiâm hnê ngăn tơnêi têa mơnê ƀă khe\n kơdeăn khât tơdroăng tơrŭm ƀă veăng kum kơnía git dêi WHO ƀă tơdroăng mơnhông kơvâ cheăng ngăn ‘na pơkeăng pơlât Việt Nam tung plâ 45 hơnăm hdrối. Hlo pơreăng tâ tú rơ-iô a mâu kong pơlê, pơlê kong kân dêi Việt Nam, nôkố thăm rế tâ tú tơviah ing pơreăng ki nếo, mê Ngế pro xiâm hnê ngăn tơnêi têa pâ thế WHO veăng tŏng kum ƀă pêi pro mâu tơdroăng cheăng ahdrối vâ Việt Nam rĕng châ xo khu vaccine ki pơtối tiô Khu mơjiâng COVAX hiăng tơhrâ, tối kô tơbleăng tơdroăng pâk ăm kuăn pơlê châ tơ-ƀrê, teăm tơdrêng ƀă tơniăn.

Pôa Phạm Minh Chính, Ngế pro xiâm hnê ngăn Chin phuh a rôh tơpui phôn

Pakĭng mê, Ngế pro xiâm hnê ngăn tơnêi têa xuân thế WHO veăng kum ƀă tŏng kum Việt Nam chiâng môi tung mâu tíu xiâm mơjiâng pro vaccine ăm kơpong peăng mâ Hâi lu Thái Bình Dương; tối nhên ivá pêi cheăng dêi kơvâ ngăn pơkeăng Việt Nam xuân môi tiah xiâm ki rơdêi dêi mâu khu mơdró Việt Nam kô kâi vâ mơjiâng pro ai tiô tơdroăng pơkâ dêi Lâp plâi tơnêi. 

Ngế pro xiâm hnê ngăn tơnei têa hâk mơnê tơdroăng ki Ngế xiâm pơkuâ ngăn pơkeăng tối ‘na tơdroăng kô ăm mâu ngế rơkê dêi WHO veăng kum Việt Nam tung tơdroăng mơjiâng pro mê.

Gương tơplôu [ă tơbleăng