VOV4.Xơ Đăng - Tiô rơkong krếo thế dêi pôa Phạm Minh Chính, Ngế pro xiâm hnê ngăn Chin phuh tơnêi têa Kŏng hòa xah hô̆i chuh nghiah Việt Nam, Khu kăn xiâm kong têa Lếo xua pôa Phankham Viphavanh, Ngế pro xiâm hnê ngăn kong têa Lếo  pơkuâ djâ khu kăn lăm pôu Việt Nam ing hâi lơ 8 troh lơ 10/1, hlối pơkuâ hneăng hôp roh má 44 dêi Vi ƀan tơrŭm cheăng Chin phuh pơla Việt Nam - Lếo ƀă mơhnhôk pêi tơdroăng tung hơnăm Môi tuăn tơrŭm tơrôa pơla Việt Nam -Lếo, Lếo - Việt Nam hơnăm 2022.

Hneăng lăm pôu mơhno ki tơrŭm môi tuăn, hmâ dêi rơpó, loi nhoăm dêi rơpó hdrối kơ’nâi xuân môi tiah dêi péa Đảng, péa Tơnêi têa ƀă kuăn pơlê péa tơnêi têa. Hơnăm 2022 cho hơnăm ai pơxúa kal khât tung tơrŭm cheăng pơla Việt Nam - Lếo; Lếo - Việt Nam. Ngế pro xiâm hnê ngăn péa tơnêi têa hiăng vâ môi tuăn rơtế ƀă dêi rơpó tơkŭm po leh tơbâ hâi leh kân dêi Việt Nam ƀă Lếo môi tiah lêh tơbâ 60 hơnăm hâi mơjiâng tơrŭm cheăng tơpui kâ; 45 hơnăm hâi kĭ tơhrâ tơrŭm cheăng ƀă dêi rơpó.

Gương tơplôu ƀă tơbleăng