VOV4.Sêdang - Pôa Trần Quốc Vượng, Ngế cheăng tung khu xiâm kal kí, Kăn hnê ngăn Đảng xiâm tơnêi têa hiăng troh lăm pôu [ă hlối hbru tơmeăm ăm hok tro hngêi trung râ má pái hnê kuăn ngo ai tíu kâ koi ối pơtê N’Trang Lơng, kong pơlê Dak Lak.

Pôa Trần Quốc Vượng lăm pôu kơ êng ngăn mâu vâi o hok tro.

Pôa Trần Quốc Vượng diâp hnoăng liăn mơhá ăm mâu vâi o hok tro.

Tối tơbleăng a hâi pêi cheăng, pôa Trần Quốc Vượng tối Đảng [ă Tơnêi têa đi đo tơmâng troh tơdroăng hnê hriâm [ă pro tơ’lêi hlâu vâ kơvâ hnê hriâm tối tơchoâm [ă hnê hriâm kơpong kuăn ngo tối phá mơnhông tơtêk, tối ‘na mâu tơdroăng ki xahpá dêi mâu kong pơlê a Dak Lak tro lup kân xua têa lân lu tung mâu hâi hiăng luâ, pôa Trần Quốc Vượng pơkâ thế kơvâ cheăng hnê hriâm kong pơlê Dak Lak pro tơ’lêi hlâu vâ kơjo kum ăm vâi o hok tro, malối cho mâu hok tro kơpong hơngế hngo kơpong têa lân lu châ troh a hngêi trung tung hơnăm hriâm la ngiâ [ă troăng hơlâ ôh tá lôi mâu tơdroăng klâi ki pro pá troh tơdroăng trah a hngêi trung dêi vâi o hok tro.

Gương tơplôu [ă tơbleăng