VOV4.Sêdang - Tiô rơkong krếo thế dêi pôa Nguyễn Phú Trọng, Kăn xiâm pơkuâ hnê ngăn Đảng ƀă kơdrâi pôa, pôa Nguyễn Xuân Phúc, Kăn xiâm hnê ngăn tơnêi têa ƀă kơdrâi pôa, mê hâi lơ 28/6, pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo  ƀă kơdrâi pôa kô pơxiâm lăm pôu tơnêi têa pin ting 2 hâi lơ 28 ƀă 29/6. Kố cho hneăng lăm pôu ki apoăng dêi pôa Thongloun Sisoulith, drêng to pro Kăn xiâm pơkuâ hnê ngăn Đảng, Kăn xiâm hnê ngăn kong têa Lếo hneăng hơnăm 2021-2026. Tung kơxo kố, klêi tơƀai hdrâp a tơraih tơ-ƀai Nội Bài, pôa Nguyễn Xuân Phúc ƀă kơdrâi pôa kô pơkuâ rôh tơdah ki khât, pơtối mê pôa Nguyễn Phú Trọng kô pơkuâ hôp tơpui tơno ƀă pôa Thongloun Sisoulith, peá ngế kăn xiâm pơkuâ hnê ngăn Đảng kô hlo ƀă mâ leh kĭ mâu hlá mơ-eá tơrŭm cheăng pơla péa tơnêi têa.

Pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo

Kong xêi hâi ki mê. Kăn xiâm pơkuâ hnê ngăn Đảng, Kăn xiâm hnê ngăn kong têa Lếo hôp tơpui ƀă pôa Phạm Minh Chính, Ngế pro xiâm hnê ngăn tơnêi têa ƀă hlối tơpui tơno ƀă pôa Vương Đình Huệ, Kăn xiâm hnê ngăn Kuô̆k hô̆i.

Gương tơplôu ƀă tơbleăng