VOV4.Sêdang - Kơxê lơ 28/6, Khu kăn xiâm kring tơniăn Việt Nam xua Đăi tươ̆ng Tô Lâm, Kăn xiâm pơkuâ Kŏng an pro ngế xiâm pơkuâ djâ khu kăn veăng hôp tơpui tơno tơrá mâu kăn xiâm dêi Khu mâu kong têa Đông Nam Á (ASEAN) ƀă Rusi rôh má môi po tiô tơdroăng mơ’no tơdreng tung um tơvi.

Tơpui a hneăng hôp, pôa Tô Lâm tối nhên, kố cho hneăng hôp ki kal, vâ mơdêk ƀă tơpui trâu tâ tơdroăng tơrŭm pơla ASEAN ƀă Rusi vâ rơtế ƀă dêi rơpó mơdêk ivá cheăng tơleăng mơnhên mâu tơdroăng tơchoâm. Pôa Tô Lâm thế, tung la ngiâ, mâu kong têa tung kơpong mơdêk mâu tơdroăng mơjiâng tuăn loi, mơjiâng ƀâng tơpui tơno châ tơ-ƀrê vâ tơpui ‘na troăng hơlâ teăm tơleăng mơnhên ki ôh tá môi tuăn, mơdêk tơrŭm ƀă dêi rơpó rơtế ai pơxúa, mơnhông cheăng kâ -rêh ối krá tơniăn ton.

A hneăng hôp, mâu kăn hiăng tơpui tơno, kơ-êng mâu troăng hơlâ vâ pơtối rak vế, tơniăn tơdroăng kal kí, kring gak tung kơpong ASEAN ƀă po rơdâ tâ nếo cho kơpong châu Á - Thái Bình Dương.

Gương tơplôu ƀă tơbleăng