VOV4.Sêdang - Kơxo lơ 22/6, Hô̆i đong hnê ngăn kong pơlê Hậu Giang hneăng má 10, hơnăm 2021 – 2026 pơxiâm po rôh hôp má môi. Pôa Trần Thành Mẫn, ngế cheăng tung tíu xiâm kal kí, kăn xiâm phŏ hnê ngăn Kuô̆k hô̆i veăng hôp ƀă tơpui hnê mơhno a rôh hôp. Tơpui a rôh hôp, pôa Trần Thanh Mẫn pơkâ thế, sap ing apoăng hneăng hơnăm 2021 – 2026, Hô̆i đong hnê ngăn kong pơlê kal pơtối tơrŭm krá ƀă Vi ƀan hnê ngăn, Vi ƀan Măt trâ̆n Tơnêi têa Việt Nam kong pơlê ƀă Khu kăn Kuô̆k hô̆i kong pơlê môi tuăn mơjiâng ƀă pơkâ tơdroăng tơrŭm, xing xoăng hnoăng cheăng tung pêi pro tơrêm tơdroăng.

Vi ƀan hnê ngăn, mâu ngế cheăng dêi Vi ƀan hnê ngăn ƀă mâu tíu Hô̆i séa ngăn kuăn pơlê kong pơlê nếo châ pôk athế tơkŭm tuăn ngoâ, tơrŭm, mơnhên mâu tơdroăng tơdjâk, pro pơxúa ăm dêi tơná ing mâu rôh, tí tăng châ tơƀrê tơdroăng ki ai hlâu, ki rơdêi, môi tuăn pêi pro, khŏm mơ-eăm mơjiâng kong pơlê Hậu Giang chiâng tíu xiâm mơnhông cheăng kâ dêi kơpong Tơbăng kroăng Cửu Long.

Katarina Nga tơplôu ƀă tơbleăng