VOV4.Sêdang - Tơbleăng a rôh hôp tơpui mơ’no tơdrêng Khu hnê mơhno cheăng hbrâ mơdât COVID-19 Pơlê kong kân Hồ Chí Minh hâi lơ 2/7, pôa Pôa Trương Hòa Bình, Ngế pro xiâm phŏ hnê ngăn tơnêi têa thế Pơlê kong kân Hồ Chí Minh séa ngăn nếo mâu Khu xiâm tiô pơkâ tơniăn ‘na hbrâ mơdât pơreăng tung tâi tâng mâu kơvâ cheăng, tung kơpong, tíu ki tối vâ ‘nâi ƀă tơ tơbleăng tơ-ƀrê tung tơdroăng nôkố, mơ-eăm troh mơ’nui khế 7/2021, pơreăng kơdroh hên, kơdroh trâu ƀă troh khế 8/2021 kô kâi mơdât pơreăng.

Ing mê, pôa Pôa Trương Hòa Bình tối mâu pơlê krâm, tơring a pơlê  kong kân thế hbrâ tí tăng ngăn vâ ’nâi tơdroăng pơreăng tâ tú ƀă rak ngăn, pơkuâ hnê klâ ối hơngế pơlê pơla ăm tơtro, kô xúa  pơkâ kơxô̆ 10 dêi Vi ƀan Pơlê kong kân Hồ Chí Minh lơ tối thế xúa tơdroăng Pơkâ kơxô̆ 16 dêi Ngế pro xiâm hnê ngăn Chin phuh tâng hlo kal.

Pakĭng mê, thế pơtối rak vế hnoăng cheăng dêi khu hnê mơhno hbrâ mơdât COVID-19 mâu pơlê krâm, tơring, Tôh mơdât COVID-19 dêi kuăn pơlê ing mâu tơdroăng tơbleăng séa ngăn, tí tăng ngăn ƀă pơxâu mâu ngế ki pro xôi luât hbrâ mơdât pơreăng COVID-19.

Gương tơplôu ƀă tơbleăng