VOV4.Sêdang - Tíu xiâm Đoan Droh rơtăm Ko\ng san Hồ Chí Minh nếo tơku\m po Leh lo lăm pêi cheăng Droh rơtăm pleăng dêi hnoăng cheăng rơnó pơtê hriâm hơnăm 2020 a kong pơlê Quảng Bình. Pơxá ‘’Droh rơtăm Việt Nam rơkê ple\ng, pleăng tơdroăng xua pơlê pơla’’.

Tơdroăng pơkâ ki nhên tung tối tơbleăng pêi tơdroăng cheăng Droh rơtăm pleăng hnoăng tung rơnó pơtê hriâm 2020, mê cho: ‘mâi rơnêu 2 rơpâu km, pro ki nếo 500 km troăng prôk tung thôn pơlê, pêi pro kế tơmeăm droh rơtăm a 800 to troăng kơpong kơpho#; Khăm, pơlât [ă hbru pơkeăng tê kơtê ăm 200 rơpâu ngế kuăn pơlê; Pro ki nếo 700 toăng hngêi tuăn pâ, hngêi tơru\m, hngêi kên pâ ki khêi, hngêi kâ koi la nôu pâ chêm mơ’reh dêi [ă hên ki ê.

Pôa Trương Hòa Bình, Ngế pro xiâm pho\ hnê ngăn Chin phuh tơpui hnê mơhno a leh lo lăm pêi cheăng

Troh veăng a leh lo lăm pêi cheăng, pôa Trương Hòa Bình, Ngế pro xiâm pho\ hnê ngăn Chin phuh hiăng diâp 100 toăng rơxế mái ăm hok tro ki ai tơdroăng rêh ối xơpá tung kong pơlê Quảng Bình. Tíu xiâm Đoân droh rơtăm Ko\ng san Hồ Chí Minh [ă mâu tíu cheăng bruô ăm mâu rơpo\ng ki ai hnoăng tơnêi têa, droh rơtăm hdroâng kuăn ngo, diâp liăn hriâm rơkê ăm hok tro, sinh viên kơtiê tơkâ luâ xơpá [ă xo păn roăng 20 ngế o hok tro kuăn tê.

Katarina Nga tơplôu [a\ tơbleăng