VOV4.Sêdang - Pôa Vũ Đức Đam, Ngế pro xiâm phŏ hnê ngăn tơnêi têa nếo pêi cheăng ƀă kăn hnê ngăn pơlê Krâm 6, pơlê krâm 7, tơring Bình Chánh  tiô pơkâ 16/CT - TTG. Pakĭng mâu tơdroăng Ngế pro xiâm hnê ngăn Chin phuh hiăng hnê mơhno nhên tung rôh hôp mơ’no tơdrêng tung um tơvi kơxo lơ 8/7, pôa Vũ Đức Đam tối pơchân Pơlê kong kân Hồ Chí Minh 4 tơdroăng tung pơla ối kơtăn dêi rơpó tiô pơkâ 16/CT-TTg.

Pôa Vũ Đức Đam, Ngế xiâm phŏ hnê ngăn tơnêi têa tối pơchân Pơlê kong kân Hồ Chí Minh tung tơdroăng pơkâ kơxô̆ 16

Tung mê, pơlê kong kân Hồ Chí Minh thế tối nhên pơkâ pêi cheăng a kơlo ki hên má môi, rơdêi má môi vâ kơ’nâi 15 hâi mơjiâng mâu kơpong tơniăn ôh tá ai pơreăng tâ tú, kơpong ki lĕm ing kơpêng tá lâp pơlâ kong kân troh pơlê krâm, tơring, ƀă troh cheăm, bêng. Vâ ai ti mê, môi tiah tung tơdroăng plâ mơdât, pơlê kong kân Hồ Chí Minh thế ai pơkâ pêi” nhên tơrêm hâi, tơdroăng pơkâ kal châ pêi tơ-ƀrê, mâu tơdroăng ki mâu kăn, mâu kơ koan, khu tơrŭm cheăng, khu mơdró, kuăn pơlê thế pêi. Tơbleăng ăm ‘nâi nhên pơkâ mê ăm kuăn pơlê vâ pêi pro.

Gương tơplôu ƀă tơbleăng