VOV4.Sêdang - Kơxê lơ 21/6, a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng hôp tơpui tơno mơ'no tơdrêng ƀă pôa Oshima Tadamori, Kăn xiâm hnê ngăn Kuô̆k hô̆i râ má péa dêi Nhuk. Pôa Vương Đình Huệ tối Việt Nam đi đo ngăn Nhuk cho kong têa tơrŭm ƀă ki trâu rơdâ, kal má môi, ton ta ah ƀă tơdroăng loi nhoăm tung luât pơkâ tơpui kâ dêi Việt Nam; môi tuăn ƀă Nhuk pơtối rak vế hnoăng cheăng pêi tung lâp plâi tơnêi, veăng ‘no hnoăng pro hơniâp lĕm ƀă mơnhông mơdêk tung kơpong ƀă lâp plâi tơnêi.

Pôa Vương Đình Huệ, Kăn xiâm hnê ngăn Kuô̆k hô̆i hôp ƀă Kăn xiâm Kuô̆k hô̆i râ má péa Nhuk

A hneăng hôp, péa mâ vâ môi tuăn pơtối mơdêk tơrŭm cheăng pơla mâu kăn Kuô̆k hô̆i dêi péa kong têa, malối cho mâu hơnăm ối nếo, mâu kăn kơdrâi hơnăm ối nếo, mâu khu kăn kơdrâi Kuô̆k hô̆i hôp tơpui tơno; pơtối mơdêk trâm mâ tơpui ƀă kuăn pơlê péa tơnêi têa ing mâu rôh po hôp dêi mâu kăn Kuô̆k hô̆i   mâu kong pơlê péa tơnêi têa lăm pôu, pêi cheăng, mơhnhôk ‘no liăn cheăng, tơbleăng um méa, ivá ôm hyô ƀă trâm tơpui tơno mơhno túa lĕm tro a Việt Nam.

Gương tơplôu ƀă tơbleăng