VOV4.Sêdang - Sap ing hâi lơ 1/7 nah troh nôkố, rêm hâi a Pơlê kong kân Hồ Chí Minh ‘nâi 1.305 yương tĭnh, ki hên cho tâ tung kơpong krâ ối krê, tíu ki mơdât mot lo. Laga, kơvâ ngăn pơkeăng ƀă khăm pơlât xuân châ ‘nâi hên ngế klêi kơ’nâi séa ngăn tung pơlê pơla ƀă klêi kơ’nâi séa ngăn a hngêi pơkeăng. Nôkố, Pơlê kong kân Hồ Chí Minh ai vâ chê 250 ngế dế hiâm ƀă kơmăi ƀă 7 ngế kal xúa ECMO.

‘Na ivá khăm pơlât, pakĭng 14 kơpong klâ krê tơkŭm F1 hiăng ai, Pơlê kong kân Hồ Chí Minh mơjiâng tơ’nôm 88 kơpong klâ krê tơkŭm, tung mê ai 10 to xoăng koi ƀă 55 to tíu ăm tơmối kâ koi ối pơtê ƀă châ 4 rơpâu ngế ối vâ klâ krê F1.

Vi ƀan hnê ngăn Pơlê kong kân hiăng pơkâ hlá mơéa ‘na tơdroăng ki pơtê pơtân mâu tơdroăng cheăng ƀă mâu khu mơdró kâ ôh tá rak tơniăn tiô tơdroăng pơkâ thế hbrâ mơdât pơreăng sap ing hâi lơ 15/7. Nôkố ai 216 khu mơdró kâ chêh inâi rế klâ krê rế mơjiâng pro kế tơmeăm, tung mê, ai 205 khu mơdró kâ dế tơbleăng pêi.

Nga tơplôu ƀă tơbleăng