VOV4.Sêdang - Sap ing rơxông hdrối mê hía nah troh nôkố, mơngế M’nông a kong pơlê Dak Nông đi đo rêh kâ ối tung tơdroăng ki ‘nâi to\ng kum, kring vế dêi kong. Kong ilâng hiăng pơtroh ăm hên mâu kế kâ ki kơnía git, môi tiah kơchâi kong, rơmôe hơpôe, tro\ng xăng, chêm chok, kơnái kơnot [ă hên mâu tơdroăng ki ê, tung mê, athế tối troh pôm prâi. Ti xê to tơdroăng to\ng kum vâ kơdroh ki kơklêa, pôm prâi ối ai hên trếo kơhiâm, hiăng chiâng kế kâ ki kơhiâm ăm rêm roh kâ hmê dêi rơpo\ng hngêi. Ai hên rơxông mơngế M’nông xông kân xua ing tơdroăng ki hơ-iâ, rơmâ dêi ôm prâi.

Pôm prâi cho hdrê pôm kơxái, kơxái môi tiah pôm mơ-heăm, kông ga chí le\m, tâ tá kông ga ‘nhíu ôh tá xê tơvó, mê ga ‘nhíu, kơre\n, mơngiơk khêi, ga hmâ hmo\ng lo pôm a kơdâm hlá. Rêi pôm hmâ ối xêh môi to lơ to péa to, ga pâk trâu tung tơnêi châ troh a to lâi met. Kơtôu pôm pá kong vâ prâ prâp iâ, tâ tá ai xâk troh a rêi, te\ng, huăn lo ing pôm môi tiah ai xâk.

Pôm prâi kố ai hên [ă kâ kơhiâm, hơ-iâ má môi cho pơla hdrối [ă kơ’nâi khế 1 lơ khế 2, drêng kông hiăng khăng [ă ruih hlá. Pơla kố, pôm ga pơxiâm xông kân, ai hên tơpoăng [ă kơhiâm má môi; xuân ai pôm ki ‘nâ kân to hơto [ă pui ko\ng, xo\n troh vâ chê 2 met. Xua pôm prâi pâk trâu tung kơdâm tơnêi mê mơngế ki chiâ hmâ ai túa ki vâ lâk [ă tơbrêi ivá, vâi hmâ chiâ klôh ki kân, trâu mê nếo châ lâk xo pôm prâi tá pu\m gá.

Pôm prâi tung djeăm hmê kơchâi dêi mơngế M’nông

Drêng tăng lâk pôm prâi, mơngế M’nông hmâ tăng rah kông ki hiăng krâ. Drêng mê, pôm prâi hiăng krâ, kân [ă ai hên tơpoăng. Pôm prâi xuân chiâng kâ drêh lơ pôh, âp, pế kơchâi têa [ă hên h^n mâu tơdroăng ki ê. Pôm prâi pá kong ngăn ga kơrut kơrat, tung dế mơngiơk ga rơbông thâl. Drêng âp hiăng chên mê kô rơmuăn môi tiah tơxông.

  Vâi krâ klêi kơ’nâi lâk pôm vâi hmâ kúa krúa kơtôu, vâi hmâ kâ [ă hmê. Kơ’nâi mê, drêng ai tơdroăng rêh ối chía tu\m, chía bê, mơngế M’nông hmâ lâk xo pôm prâi kúa kơtôu krúa, xo châ ga pế tơvât [ă kơxêng. Ki xú le\m, ki rơmuăn, rơpâ dêi pôm prâi ai tá ki ngeăm le\m lo ing kơxêng pro roh kâ hmê mê thăm rế kơhiâm, ai tu\m trếo le\m, thăm nếo le\m ăm troăng klêa.

Mâu khế hơnăm tơplâ chal hdrối nah, tơdroăng rêh kâ ối pá puât ó khât, pôm prâi cho kế kâ ki xiâm vâ păn che\m ăm mâu lêng mô đo#i [ă hên mâu rơpo\ng hdroâng mơngế M’nông a kong pơlê Dak Nông. Ai hên trếo kơhiâm ki le\m [ă pro pơxúa ăm ivá châ chăn, pôm prâi đi đo hmâ [ă tơdroăng rêh kâ ối dêi mơngế M’nông.

Mơngế M’nông hâk vâ kâ pôm prâi âp xua ga rơpâ, rơmuăn

Hâi kố, tơdroăng rêh ối hiăng ai hên ki hơ’leh, mâu hdroâng kuăn ngo ki rêh ối a kong pơlê Dak Nông ôh pá ai xếo tơdroăng kơklêa, mơnguâ hrâ. Laga, pôm prâi hiăng ối [ă hiâm tuăn mơno dêi rêm ngế, cho kế kâ ki kơhiâm dêi kong ngo ki kum ăm. Um méa pôm prâi ki rơbông thâl mê hiăng pro ăm rêm roh kâ hmê tung pơla mâu hâi leh Têt dêi mơngế M’nông thăm rế phâi phok [ă kơhiâm hơ-iâ tâ.

Hlá tơbeăng Dak Nông

Nhat Lisa tơplôu [ă tơbleăng