Lối 3 hơnăm kố, 4 sào tơnêi pêt reăng cúc dêi rơpo\ng hngêi ngoh Tô Hoài Phong, ối a tôh  kơpho# Đa Phước 2, bêng 11, pơlê kong kơdrâm Đà Lạt rơnó ki lâi xuân thế pui tâh iâ gá vâ chê 300.000 xiâm ki tâ virus ai troăng ‘ngré ‘ngró a kông reăng. Ai rơnó ki ‘nâ rơpo\ng hngêi lu\p châ hr^ng rơtuh liăn xua kơdrum reăng tâ pơreăng thế ‘nhiê lôi luâ tơdế. Ngoh Hoài ăm ‘nâi, pơreăng kố hmâ hlo kâ ‘nhiê lối 1 khế tung hơnăm, troh khế má 3 drêng loăng pơxiâm vâ tơpo reăng xuân cho rôh vâ tâ tú.

‘’Môi sào tơnêi pêt reăng cúc kơxo# liăn ‘no sap ing rôe hdrê, on tơhrik, pơkeăng xôh kơdê hdrong vâ tâi 20 rơtuh liăn, tung mê ôh tá riân hâi pêi cheăng dêi tơná. Troh drêng hiăng vâ xo reăng tung kơdrum reăng hiăng tro pơreăng kâ ‘nhiê thế pui tah, ôh tá ai ki klâi’’.

Kơdrum reăng cúc rơpo\ng hngêi ngoh Tô Hoài Phong tâ tú pơreăng ai troăng ‘ngré ‘ngró

Tiô pôa Hoàng Bá Bình, Kăn xiâm hnê ngăn Khu pêi chiâk deăng bêng 11, pơlê kong kơdrâm Đà Lạt, kong pơlê Lâm Đồng, nôkố lâp tung bêng ai lối 40 ha reăng cúc tro tâ pơreăng kâ ‘nhiê ki pro ai troăng ‘ngré ‘ngró a kông, hên kơdrum reăng hngêi ki ê dế tô tuăn drêng hlo pơreăng mê pơxiâm tâ tú mâu reăng ki ê nếo mê cho hơlât, atisô, reăng cát tường.

‘’Hdrê reăng cúc tơ’lêi tro tâ pơreăng. Tơná virus ki ‘ngré ‘ngró ôh tá tâ ing loăng kố troh loăng ki tâ mê gá tâ tú ing mâu kuăn kiâ mâu hdrong, ôa, hmui, oăng ki hrik triê têa ngeăm pro tâ tú. Tung pơla hơ’leh rơnó, malối cho rơnó mơdrăng khăng khoăng kố cho rôh ki tơ’lêi mâu pơreăng vâ xông tâ tú hên. Ai mâu kơdrum ki ‘nâ oâ hdrong kâ ‘nhiê tâi tâng, lu\p hên ‘nâng, tâng riân tung 1.000m2 lu\p dâng 50 rơtuh liăn’’.

Mâu kông reăng cúc tâ pơreăng pro ai troăng ‘ngré ‘ngró

Xuân a bêng 12, pơlê kong kơdrâm Đà Lạt, pơreăng pro ai troăng ‘ngré ‘ngró kông reăng tâ tú pro ăm lối 200 ha reăng cúc tro tâ pơreăng. Tung mê ai lối 12 ha thế pui tah tâi tâng. Pôa Nguyễn Văn Ron, Kăn hnê ngăn Vi [an bêng 12, pơlê kong kơdrâm Đà Lạt hnê tối ăm mâu ki pêt reăng thế séa ngăn đi đo deăng pêt reăng cúc drêng châ hlo mâu loăng tâ tro pơreăng kâ ‘nhiê thế pui tah hlối vâ pôi tá tâ tú.

‘’Hnê tối ăm kuăn pơlê xúa tơdroăng hbrâ mơdât pơreăng tiô troăng hơlâ hnê mơhno dêi mâu kơ koan khu râ pơkuâ cheăng môi tiah tơku\m, klêi mê chôu, pui tah, chôu hlối a kơdrum vâ pôi tá ai pơreăng. Bêng hiăng po lâm hnê kih thuât pêi pro mâu tơdroăng hbrâ mơdât, hlối hnê ăm kuăn pơlê hơ’leh mâu hdrê reăng ki ê kâi trâng [ă pơreăng’’.

Tiô riân ngăn dêi Khu xiâm hnê mơhnhôk ‘na chiâk deăng pơlê kong kơdrâm Đà Lạt troh nôkố lâp tung pơlê kong kơdrâm hiăng ai 940 ha reăng cúc tro tâ pơreăng kâ ‘nhiê pro ai troăng ‘ngré ‘ngró. Tung mê, ai vâ chê 40 ha pui tah [ă lối 900 ha tro tâ tú sap ing 30% troh 70%, ki tâ tú hên cho a mâu bêng 7, 8, 11 [ă 12.

Pôa Nguyễn Văn Quang - Kăn pho\ hnê ngăn ‘na chiâk deăng [ă mơnhông thôn pơlê dêi pơlê kong kơdrâm Đà Lạt tối, tơdroăng virus kâ ‘nhiê a reăng cúc dế hên ó. Ai mâu hdrê reăng cúc ki ‘nâ hdrối nah ôh tá tâ tú nôkố hiăng hlo tâ tú nếo.

Hên mâu ki pêt reăng lu\p xua reăng cúc tâ pơreăng

‘’Nôkố, pơreăng ai troăng ‘ngré ‘ngró kông reăng xua virus hiăng hlo tâ lâp tíu a Đà Lạt [ă lối 60% tơnêi pêt reăng tro tâ tú. Vâ mơdât pơreăng kố, nếo achê kố, Vi [an hnê ngăn pơlê kong kơdrâm Đà Lạt hiăng hnê mơhno ăm {ơrô ngăn cheăng kâ [ă Tíu xiâm ngăn ‘na chiâk deăng hnê thế re\ng séa ngăn a mâu troăng ki pêt hdrê kum khu pêt reăng. Tâng châ hlo hiăng tro virus kâ ’nhiê kô pui tah tơdrêng hlối’’.

A pơlê kong kơdrâm Đà Lạt, reăng cúc cho hdrê reăng ki xiâm, châ pêt a tơnêi rơdâ lối 1.600 ha, hên má môi tung mâu hdrê reăng ki vâ tê. Laga, môi pái hơnăm achê kố, xua hdrê reăng oh tá dâi le\m, tơdroăng pêt reăng ôh tá tơniăn pro chiâng ai hên pơreăng tâ tú, pro lu\p hên ăm mâu kơdrum reăng.

Tuấn Anh chêh

Gương tơplôu [ă tơbleăng