VOV4.Sêdang - Kơxê lơ 12/07, a Hngêi pêi cheăng Kuô̆k hô̆i, po hneăng hôp roh má 58 dêi Vi ƀan pơkuâ cheăng Kuô̆k hô̆i. Po tung pơla 3 hâi, hên tơdroăng kal châ tơpui a hneăng hôp mê. A hneăng hôp, Hô̆i đong Tâ phĭu Tơnêi têa kô tơbleăng tơdroăng hiăng ‘nâi nhên inâi mâu kăn Kuô̆k hô̆i hneăng 15. Pơtối mê, Vi ƀan pơkuâ cheăng Kuô̆k hô̆i veăng hnê tối ‘na tơdroăng xĭng xoăng mơngế cheăng, kơxô̆ mơngế cheăng tung Chin phuh hneăng 2021-2026; ‘na tơdroăng mơngế ki pêi cheăng pơtroh ăm Kuô̆k hô̆i xuân môi tiah hbrâ roh hôp má môi, Kuô̆k hô̆i  hneăng 15.

Vi ƀan pơkuâ cheăng Kuô̆k hô̆i xuân ăm veăng hnê tối ‘na troăng rơhlâ tŏng kum ‘no liăn cheăng pêi Tơdroăng pơkâ tơnêi têa Mơjiâng thôn pơlê nếo pơla hơnăm 2021-2025 ƀă ‘no liăn cheăng pêi Tơdroăng pơkâ tơnêi têa Xăm kơtiê ƀă tơdroăng chêh kâ rêh ối krá tơniăn pơla hơnăm 2021-2025; Hlá mơ-eá chêh tơdroăng Pơkâ ‘na tơleăng mơnhên tơdroăng liăn ngân dêi Grup ngăn ‘na têa châu Việt Nam riân tơvêh kơxô̆ liăn thiăn vâ tơ’nôm a yă tung tơdroăng rôe tơmeăm dêi tơdroăng Tơkêa hrik têa châu Nghi Sơn.

Gương tơplôu ƀă tơbleăng