VOV4.Sêdang - Kơxo lơ 5/7, a Tíu pêi cheăng xiâm Đảng, Hneăng hôp roh má 3 Khu xiâm pơkuâ Đảng hneăng má XIII hiăng pơxiâm po kân krip. Hneăng hôp Tơnêi têa roh kố ai hnoăng: Tơpui tơno, pơkâ mâu tơdroăng kal môi tiah: Pơkâ mơnhông mơdêk cheăng kâ – rêh ối pơlê pơla hneăng 5 hơnăm 2021 – 2025; séa ngăn, tơbleăng Pơkâ pêi cheăng dêi Khu xiâm pơkuâ tơnêi têa, Khu xiâm kal kí, Khu pơkuâ hnê ngăn cheăng Đảng ƀă Pơkâ pêi cheăng dêi Vi ƀan séa ngăn Tơnêi têa hneăng má XIII; Pơkâ pêi pro ‘na Luât Đảng ƀă Pơkâ ‘na tơdroăng séa ngăn, pơxâu phak dêi Đảng hneăng cheăng hneăng má XIII; pơtối rah tŭm mâu kăn pơkuâ dêi mâu kơ koan tơnêi têa hneăng cheăng Kuô̆k hô̆i hneăng má XV vâ Kuô̆k hô̆i rah xo lơ kĭ a Hneăng hôp má môi dêi Kuô̆k hô̆i hneăng má XV la ngiâ; ƀă mâu tơdroăng ki kal ki ê.

Pôa Nguyễn Phú Trọng, Kăn xiâm pơkuâ hnê ngăn Đảng xông tơpui pơxiâm po hneăng hôp

Xông tơpui pơxiâm po hneăng hôp, pôa Nguyễn Phú Trọng, Kăn xiâm pơkuâ hnê ngăn Đảng tối rơdêi, kố cho mâu pơkâ ki kal, kân rơdâ, ai pơkâ ƀă tơdroăng kêi đeăng mâu pơkâ, hnoăng cheăng mơnhông mơdêk cheăng kâ – rêh ối pơlê pơla xua Hneăng hôp roh má XIII dêi Đảng hiăng pơkâ mơ’no.

A Sa Ly tơplôu ƀă tơbleăng