VOV4.Sêdang - Kơxo lơ 29/6, Hô̆i đong hnê ngăn kong pơlê Gia Lai hneăng 12, hơnăm 2021 - 2026 hiăng pơxiâm po Rôh hôp má môi. Kố cho rôh hôp ki ai pơxúa kal khât, po troăng ăm tơdroăng cheăng ki păng ‘nâng apoăng dêi Hô̆i đong hnê ngăn kong pơlê ƀă khu kăn pơkuâ kong pơlê Gia Lai hneăng hơnăm 2021 -2026.

A rôh hôp kố, Hô̆i đong hnê ngăn kong pơlê kô séa ngăn, pơkâ mâu tơdroăng ki kal: Tung mê, cho tối tơbleăng klêi kơ’nâi tâ phĭu pôk kăn Hô̆i đong hnê ngăn kong pơlê ƀă tối tơbleăng tơdroăng ki mơnhên hiâm mơno dêi mâu kăn Hô̆i đong hnê ngăn kong pơlê hneăng má 12, hneăng hơnăm 2021 -2026; pơkâ mơjiâng Khu ngăn hdroâng kuăn ngo Hô̆i đong hnê ngăn kong pơlê ƀă pêi pro troh rôh pôk mâu inâi kăn pơkuâ xiâm dêi khu kăn pơkuâ rêm râ kong pơlê hneăng má 12; tơmâng Vi ƀan xiâm Măt trâ̆n Tơnêi têa Việt Nam kong pơlê tơbleăng mâu rơkong veăng tơpui tối, pâ thế dêi kuăn pơlê a mâu rôh trâm mâ pơla kuăn pơlê ƀă ngế ki tơbriât vâ pro kăn Hô̆i đong hnê ngăn kong pơlê hneăng 12, hơnăm 2021 -2026; séa ngăn, pơkâ Túa tơkŭm po mâu rôh hôp tiah hmâ hơnăm 2021 dêi Hô̆i đong hnê ngăn kong pơlê hneăng má 12.

Katariana Nga tơplôu ƀă tơbleăng