Têt hơnăm kố, pôa Krăjan Ha Sắc hiăng mơjiâng toăng hngêi kơnâ lối 600 rơtuh liăn. Toăng hngêi mơjiâng tơdế kơdrum kơphế lối 4 ha, môi tiah rơkong vâ tối leăng ‘na ki châ tơ-[rê dêi loăng plâi nếo dêi rơpo\ng. Pôa Krăjan Ha Sắc hơ’muăn:

‘’Hdrối nah, rơpo\ng ki hên pêt pôm loăng, alâi, báu xua mê, tơdroăng rêh ối trâm hên pá puât. La ngiâ, hlo hên tíu pêt kơphế pêi lo châ liăn hên tơdroăng rêh ối chía hôm rơpo\ng á khên tơnôu hơ’leh pêt kơphế. Rơtế amê á veăng mâu lâm hnê pơtâp, hriâm xúa khoa hok kih thuât rak ngăn troh nôkố rêm hơnăm kơphế pêi lo liăn ăm rơpo\ng châ hr^ng rơtuh liăn’’.

Nôkố ki hên 4 ha kơdrum dêi pôa Krăjan Ha Sắc hiăng pêt kơphế hdrê nếo ki dâi le\m. Châ rơvât eâk ro, tôh têa tiô rơxông ko\ng nge# nếo, xua mê, kơphế hơnăm ki lâi xuân pêi lo châ hên. Rêm hơnăm, klêi kơ’nâi xêo ngăn tâi tâng kơxo# liăn mơ’no cheăng rơpo\ng ối rơlối châ hr^ng rơtuh liăn.

Ngoh Kră Jan Ha Sắc tơdroăng rêh ối rế hía rế tơtêk

Pak^ng kơphế, kơpong tơnêi ki a’nâi mơ’nui kơdrum, ngoh ối rak 2 sao vâ xế báu, rêm hơnăm pêi lo châ 2 ta#n tơdế báu, rơpo\ng ôh tá rôe phái a kơchơ. Ai tơmeăm kâ, tơmeăm ‘măn pôa Krăjan Ha Sắc khên tơnôu rôe tơ’nôm tơnêi vâ pêt loăng yâu păn hdrong, pêi chiâk deăng dêi rơpo\ng rêm hơnăm thăm po rơdâ.

Ngoh Cil Ha Huấn, nho\ng o tung kơtâu tối ăm ‘nâi: Hdrối nah, ga xuân môi tiah vâi krâ tung pơlê pêt, păn mơnăn ki hên kơnôm tiô túa ki rơkê tơtro ing hên rơxông kố. Klêi kơ’nâi hlo túa pêi chiâk deăng dêi rơpo\ng pôa Krăjan Ha Sắc ăm pêi lo châ tơ-[rê, pêi lo hên tơmeăm, vâi krâ troh hriâm, pêi tiô kơnôm mê tơdroăng rêh ối cheăng kâ rế hía rế tơtêk.

Ngoh Kră Jan Ha Sắc ếo rơbông tối 'na túa ki rơkê tung pêi chiâk deăng 

‘’Rơpo\ng pôa Krăjan Ha Sắc cho môi ngế ki rơkê tung mơnhông cheăng kâ tung thôn pơlê. Vâi krâ ngin hiăng troh hriâm túa pêi hơ’leh hdrê kơphế, hriâm kih thuât rak ngăn [a\ troăng pêi kâ dêi rơpo\ng vâ mơdêk pêi lo liăn’’.

Tiô pôa Nguyễn Tiến Việt, Kăn hnê ngăn Khu pơkuâ kuăn pơlê pêi chiâk deăng cheăm Rô Men, rơpo\ng Krăjan Ha Sắc ôh tá xê to djâ troăng ‘na mơnhông cheăng kâ, pro kro mơdro\ng tung pơlê mê ối kơhnâ veăng pleăng tơnêi, kum hâi pêi cheăng mơjiâng troăng klông mơjiâng thôn pơlê nếo. Rơtế amê, ngoh ối to\ng kum rơpo\ng vâi krâ hơ’leh hdrê pêt, vêh pêt mâu kơdrum kơphế hiăng krâ vâ mơnhông mơdêk cheăng kâ, mơjiâng pơlê xiâm.

‘’Rơpo\ng Krăjan Ha Sắc mơ-eăm tơkâ luâ pá puât pêi cheăng kâ [a\ kơhnâ tung tơdroăng ti tăng xúa khoa hok kih thuât tung pêi cheăng kâ. Ki rơhêng vâ tối môi tiah kơphế ngoh hiăng vêh pêt [a\ troăng pơklêp hmo\ng, rak ngăn kơnôm mê pêi lo kơphế tâk châ péa xôh tâng pơchông [a\ hdrối nah.

Pak^ng mê, rơpo\ng ối pêt tơvât mâu loăng plâi kâ vâ pêi lo châ tơ-[rê cheăng kâ. Nếo achê kố rơpo\ng ối pêt tơ’nôm loăng yâu păn hdrong. Kố cho rơpo\ng ki cheăng kâ hôm má môi kơpong’’.

Ing mâu [a\ng pêt báu, pôm loăng, alâi môi rơnó bu kơnôm to kong mêi laga kơnôm tơdrăng kơhnâ, mơ-eăm chiu pá, khên tơmiât, khên pêi tung mơnhông mơdêk cheăng kâ, pôa Krăjan Ha Sắc hiăng hơ’leh pêt hdrê loăng plâi châ tơ-[rê a tơnêi pá puât Rô Men [a\ chiâng um méa djâ troăng ahdrối tung mơnhông cheăng kâ a pơlê cheăm.

Tuấn Anh chêh

A Sa Ly tơplôu [a\ tơbleăng