VOV.Xơ Đăng - Mâu troăng tơdjâ, luât pơkâ tŏng gum dêi Đảng ƀă tơnêi têa hiăng tơmâng khât, tŏng gum păng ‘nâng troh rêh kâ ối, tah hngêi pơtân, hngêi xi kơchoh, kơjo kum pêi chiâk hiăng ai xúa tung rêh ối, pro pơxúa ăm tơdroăng rêh ối phâi tơtô ăm pơlê pơla kơpong Tây Nguyên. Pro pơro a kơ’nâi kố, ngin ai mơhno tối hiâm mơno vâ mơnê dêi mâu kuăn ngo a Tây Nguyên ƀă Đảng ƀă Tơnêi têa, hdrối vâ hbrâ tơdah Têt Lo hơnăm nếo ngiâ méa pơlê hiăng pơhlêh lĕm, hlối tơbleăng tơdroăng tơ’noăng pâ nhoăm tơnêi têa, tơrŭm krá tơniăn dêi pó, khên tơnôu loi tung la ngiâ kô châ mơnhông tơtêk hên tâ nếo.