VOV4.Sêdang - A tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pin pơkuâ hneăng hôp vâ tăng troăng tah tơdroăng ki ối tơvâ tơvân, mơdêk tơdroăng tơkêa bro troăng kân ki dâi le\m sap ing Trung Lương troh Mỹ Thuận.

Klêi tơmâng mâu tơdroăng veăng hnê tối ‘na tơdroăng tơkêa bro, mâu tơdroăng ki ối tơvâ tơvân xuân môi tiah troăng hơlâ kơdroh tah, Ngế pro xiâm hnê ngăn tơnêi têa tối nhên ki pơxúa ‘na cheăng kâ, kal kí dêi troăng kân kố drêng kơpong Tơbăng kroăng Cửu Long, kơpong cheăng kâ ki xiâm ai 13 to kong pơlê [ă lối 20 tơtuh ngế kuăn pơlê bu ai môi to troăng kân tê.

Ngế pro xiâm hnê ngăn tơnêi têa pơcháu ăm khu xiâm ngăn troăng prôk pơkuâ [ă mâu khu xiâm ki ai tơdjâk troh tí tăng ‘nâi ple\ng môi troăng rơxế lơ treng kơtâu tơdrăng a kơpong tơbăng kroăng Cửu Long. ‘Na troăng kân ki dâi le\m kơtâu sap ing Trung Lương troh a Mỹ Thuận, Ngế pro xiâm hnê ngăn tơnêi têa ai pơkâ thế kong pơlê Tiền Giang pêi mơnhên hnoăng cheăng ki mê a ngiâ Chin phuh, mâu kong pơlê kong tơbăng kroăng Cửu Long [ă ‘no liăn mơjiâng pro troăng kân ki dâi le\m kố.

Tiền Giang [ă mâu kơ koan khu râ pơkuâ cheăng thế kơdo mơ-eăm pêi tơdroăng tơkêa bro tiô troăng hơlâ tơniăn, tơ-[rê ôh tá kâ kơluâ, pôi tá pro tơdroăng ki ôh ta tro, thế tơbleăng tơdrăng [ă hên tơdroăng ki ê.

Gương tơplôu [ă tơbleăng