VOV4.Xơ Đăng - Pơtối tơdroăng hneăng hôp ôh tá tối hdrối roh má môi, Kuô̆k hô̆i hneăng má 15 hiăng tơpui tơno mơ’no tơdrêng tung um tiô troăng Internet ‘na tơdroăng tơkêa bro Pơkâ ‘na troăng hơlâ xo hnoăng liăn ngân – mơ’no liăn vâ tŏng kum Tơdroăng rak tơniăn ƀă mơnhông mơdêk cheăng kâ – rêh ối pơlê pơla. Mâu kăn teăng mâ tối rơdêi troh tơdroăng tơniăn cheăng kâ kân cho kal khât; kal tơtrŏng troh tơdroăng liăn chu rơpâ yă, mung chĕn liăn dêi tơnêi têa, kơdroh liăn ngân tơnêi têa.

Mâu rơkong tơpui xuân pơkâ thế pơkuâ krá tơniăn kơxô̆ liăn tŏng kum, ví vâ pro pơxúa ăm dêi tơná ing troăng hơlâ. Hên mâu kăn teăng mâ tối, tơdroăng tơkêa bro xuân cho tơdroăng cheăng ki pá puât, pơloăng mơnúa pơkâ thế tuăn ngôa tơmiât rơkê ƀă tơdroăng khŏm mơ-eăm hên. Tiô mâu kăn teăng mâ, kơxô̆ liăn châ xing xoăng tiô pơkâ ƀă tơdroăng ki pơklât.

Tơdroăng pơkâ xing xoăng vâ chê 350 rơpâu rơtal liăn hên tơdroăng pơkâ phá dêi pó, ai mâu tơdroăng pơkâ châ xing xoăng tơdrêng, ai mâu pơkâ pêi ing mâu tơdroăng xo hnoăng mơhá, tơdroăng ki tŏng kum liăn rơkê.

A Sa Ly tơplôu ƀă tơbleăng